كبسه اللحمه

المقادير 
رز بسمتى + مكعبات بصل + لحمه + توابل كبسه ( توابل +كركم +لمون ناشف +جنزبيل ) + ورق لورا +حبهان + عود قرفه خشب + 2 مكعب مرقه + شوربه + جزر مبشور + معلقه صلصه 
للتزيين .. 2 معلقه سمنه بلدى + بندق + لوز + زبيب 

حضرنا الحاجه واختلفا ع نقع الرز هى بتنقعه الاول وانا م بحبش انقعه

وانا بقطع اللحمه صغيره واحطها ف البصل نيه ولكن هى بتسلقها الاول ولانى ف بيتها قولت امشى ع طريقتها احسن لى 
الطريقه 

نحط مكعبات البصل مع 2 معلقه كبيره زيت ع انار هاديه لحد م البصل يدبل نضيف له مكعبات مرقه الدجاج ونقلبهم دقيقتين وبعدين نضيف التوابل وورق اللورا والحبهان والقرفه ونسيبهم يتحمروا مع البصل دقيقتين 

ونضيف عليهم اللحمه ونقلبهم كويس وبعدين نضيف الرز وشويه ملح وفلفل ونقلب حوالى دقيقتين وبعدين نضيف الشوربه ونظبط الملح ونسيبها 
ع نار عاليه لحد م الرز يتشرب الميه نهدى النار خالص ونسيبه يكمل سوا 

ع م نحضر الباقى 
ف كوبايه ميه مغليه ننقع اللوز والبندق عشان القشره تفصل وبعدين نقشرهم ونفتحهم نصيين 
نحط السمنه ع النار تسخن ونضيف عليها الزبيب ونقلب لحد م نلاقيه اتحمر وبقى ع شكل بالونه تشليه م السمنه وتضيفى اللوز والبندق وتسبيهم لحد م يتحمروا وياخدوا لون تطفى النار وتضيفىهم ع الزبيب