المسقعة بالبشاميل

المقادير: 1 بتنجانة كبيرة.
¼ كيلو لحمة مفرومة.
1 بصلة كبيرة.
1 طماطماية كبيرة.
4 معالق صلصة.
ملح.
فلفل أسود.
بهارات لحمة.
جنزبيل.

للبشاميل:
3 كوبايات لبن.
3 معالق دقيق.
3 معالق سمنة.

الطريقة:
1. هتبتدي تعصّجي اللحمة بالطريقة العادية. بعد كده هتسخنّي الحلّة وتضيفي شوية زيت مع بصل لغاية ما تدبّل بس من غير ما تصّفر.

2. زوّدي اللحمة المفرومة وسيبيها لحد ما تستوي كويس وبعد كده حطّي البهارات والتوابل مع قطع الطماطم الصغيرة وقلّبي شوية.

3. بالنسبة للبشاميل، هتدوّبي 3 معالق سمنة في حلّة صغيرة، وبعدها هتحطّي 3 معالق دقيق وتقلّبي لحد ما لونه يتغير، حوالي دقيقتين.

4. زوّدي 3 كوبايات لبن والملح والفلفل وافضلي قلّبي لحد ما قوامها يتّقل.

5- بعد ما تكوني غسلّتي البتنجان وسيبتيه في المصفاة، هتقليه على نص أو تلت أرباع سِوا.

6- رصّي طبقة بتنجان في البايركس وفوقيها طبقة اللحمة وبعدين بتنجان تاني وفي الآخر البشاميل، ودخّليها الفرن من 30 ل35 دقيقة، وبالهنا والشفا.