جلاش الفراخ المغربي

المكونات:
 500, جرام لوز
 1,5 كيلو بصل
نص كوباية زيت زيتون
1 ملعقة كبيرة فلفل اسود
1 ملعقة كبيرة كزبرة خضرة مفرومة
1 ملعقة كبيرة قشطة
1 ملعقة كبيرة زنجبيل
 2 ملعقة كبيرة قرفة مطحونة
 ملح
 4 عود زعفران
20 ورقة بسطيلة (جلاش)
60 جرام سمن نباتى
 250 جرام بقدونس مفروم
 60 جرام سكر بودرة
 5 ليمون (معصور)
1 فرخة مخلية من غير جلد مقطعة مكعبات
 8 بيضات
 ثوم
طريقة عمل جلاش الفراخ المغربى (بسطيلة الفراخ المغربية)
 تقطى البصل على شكل نصف دايرة.
تجيبى صينية وسط و تحطى زيت الزيتون فيها وتحطيها على النار وتحطى البصل المتقطع.
تضيفى بعد كدة التوابل (بمعلقة شاى) مع حبة ملح صغيرين وبعدين تسبيهم على نار هادية.
 لما البصل يصفر تروحى حاطه نص كمية البقدونس المفروم وعصير الليمون.
 لما يجى يبتدى يغلى تروحى ضايفة البيض المضروب، وتسبيه عل نار هادية لغاية ما يكون البيض نص سوى كده.وبعدين تشيليه من على النار.
تجيبى صينية تانية وتحطيى فيها زيت وقشطة وتقلى فيها البصل مع كام فص توم كده وشوية بقدونس و كزبرة مفرومين.
 تحطى عليها قطع الفراخ و رشة ملح صغيرة ورشة صغيرة تانية من كل التوابل اللى عندك.
 سيبيها تتقلى شوية صغيرين وبعدين حطى عليها لتر ميه.
 بعد ما تستوى شوية وتشوفى حجم قطع الفراخ صغر شوية تقومى رفعاها من على النار
بعد كده تقشرى اللوز وتفروميه وتخلطيه مع سكر البودرة.
 وفى صينية مدورة تقومى تفردى ورقة (بسطيلة) جلاش وتدهينيها بالسمن النباتى، تعملى كدة فى كل ورقة جلاش لغاية ما تخلصى نص كمية الجلاش.
 وبعدين تحطى طبقة من اللوز بالسكر وفوقها تحطى ورقة جلاش تانية وتدهينيها بالسمن النباتى.
وفوقها تحطى طبقة من شرايح البصل وفوقها طبقة من قطع الفراخ.
 وبعدين تفردى عليها ورقة ورقة من الجلاش لغاية الأخر، طبعاً تكونى دهناهم بالسمن زى قبل كدة.
وبعدين تولعى الفرن يسخن شوية.
 بعد كدة تكسرى بيضة وتضربيها وتدهنى وش الجلاش فى الأخر
وتحطيها فى الفرن لمدة 15 دقيقة.
وبعد ما تطلعيها من الفرن رشى عليها سكر البودرة و القرفة المطحونة