طبيب أطفال مستشفى السنطة يعلن إصابته بكورونا للمرة الثانية

أعلن الدكتور محمود أبو العزم الطبيب بحضانات الأطفال بمستشفى السنطة العام في محافظة الغربية إصابته بفيروس كورونا للمرة الثانية بعد تعافيه من المرض في شهر يونيو الماضي وظهور الأعراض عليه بدرجة أشد قسوة من أعراض إصابته الأولى.وقال "أبو العزم": "هناك احتمال لإصابة المتعافين من فيروس كورونا مرة أخرى وذلك بعد شفائهم من الفيروس خلال فترة وجيزة لا تتجاوز شهرين" وكتب عبر حسابه الشخصي على فيسبوك: "اجابة واضحة و منفصلة أهي... أيوة الكوفيد جه لناس كتير من الفريق الطبي و معظمنا مكملش شهرين معظمنا حوالين الخمسين اليوم من اول اصابة وانتشر بين نحو ربع الفريق مش واحد ولا اتنين... و للمرضى نفسهم فيه ناس دخلت تاني...و عمي جاتله الإصابة الاولى بعدي و عدت سهل بس تاني اصابة ربنا كتب متعديش..الفيروس فرصة لتأمل قدر ربنا اللي بيختار مين هيتعب و مين لا بدون ارتباط سواء بعمر ولا مرض غير اختيار ربنا....سواء هي موجة تانية أو تحور هو لسة موجود و سبب قلة الاعداد اللي بتتنشر ان معظم الحالات بستر ربنا وحده مش شطارة من بشر بتحتاج عزل منزلي...ماشية بستر ربنا بس... و فعلا منظمة الصحة العالمية شالت آخر ابحاث اتعملت و توقعت في الأولى ست شهور مناعة و بعدين تلات شهور وبعدين شالوا البند دا خالص لإن الفيروس مش مفهوم و فيه كذا سلالة و بيتحور ..دي اجابة اكتر سؤال اتسأل ليا و عني...فاللي اتصاب ياخد حذره زي اللي ما اتصابش...كلها أقدار ربنا بس خدوا بالأسباب.يُذكر أنَّ الدكتور محمود أبو العزم أُصيب بكورونا للمرة الأولى في بداية شهر يونيو الماضي وأعلن تعافيه بعد ظهور نتائج المسحتين وسلبيتهما وقرر التبرع بالبلازما لصالح مرضى.

قد يهمك أيضا : 

عشرات القوافل الطبية تُقدم خدماتها بالمجان في المناطق المحرومة في مصر

 "الصحة" المصرية تُعلن تقديم ١٠٠٠ استشارة طبية للمنتفعين عبر تطبيق "البالطو"