إدوارد يكشف عن إصابته بشلل مؤقت في المعدة بسبب حقن التخسيس

كشف الفنان المصري إدوارد من خلال حسابه عبر موقع تبادل الصور والمقاطع المُصوّرة، إنستغرام، عن إصابته بـ"شلل في المعدة" نتيجة اعتماده لفترة على حقن التخسيس.

عبر خاصية الاستوري المُلحقة بحسابه عبر إنستغرام، كشف إدوارد عن تضرره من حقن التخسيس؛ والتي تسببت في إصابته بشلل مؤقت في المعدة.

خلال مشاركته، قال إدوارد: "أنا كنت باخد حقن التخسيس تحت إشراف دكتور تغذية، ونزلت حوالي 15 كيلو، كنت باخد حقن ساكسيندا ودي الدكتورة نصحتني بيها، ومشكلتها بتتاخد كل يوم في المعدة، بس ميزتها إننا نقدر نتحكم في الجرعات عشان ما نتعبش".

وأضاف قائلًا: "وصلت للوزن اللي عايزه، ودخلنا في مرحلة التثبيت، والدكتورة طلبت مني أروح لدكتور جهاز هضمي أعمل تحاليل ونطمن، بس أنا طنشت وقولتلها أنا هاخد حقن أسبوعية بدل اليومية عشان تعبت من كل يوم حقنة.. في ناس نصحوني بحقن "تروليسيتي" لأنها أسبوعية ومش قوية، وفضلت أخد تروليستك لمدة 5 أسابيع كل أسبوع حقنة، وكانت تمام معايا، وكانت دكتورة التغذية بردو بتسألني عن التحاليل كل فترة، وكنت بطنش لأني تمام مش حاسس بحاجة، وكمان لا كنت بتخن ولا بخس وباكل عادي طبعا برده مواظب على الدايت مع الدكتورة لحد الأسبوع اللي فات".

أوضح إدوارد أن المضاعفات الصحية قد حدثت فجأة وبلا سابق إنذار قائلًا: "فجأة مش جعان خالص وقعدت 4 أيام مش بدخل حمام ولا قادر آكل ووجع في معدتي جامد، وقالتلي دكتورة التغذية وقف الحقن وروح لدكتور جهاز هضمي فورًا وعملت كده..روحت لدكتور قالي حصلي شلل مؤقت من الحقن في المعدة، وكان مفروض تتابع معايا مع دكتورة التغذية، قولتله أنا اللي كنت بطنش عشان كنت تمام، قالي الحقن مش وحشة ومفعولها كويس بس أنا بنصح أقصاها 3 شهور بس تاخدها، وتوقف فترة وترجع تاني، بس لازم طبعا بردو متابعة مع دكتور تغذية".

كشف إدوارد عن أنه منذ أسبوع، وهو يخضع للعلاج بعد إصابته بشلل مؤقت في المعدة، قائلا: "بقالي أسبوع بتعالج وعملت كل التحاليل حتى صبغة على الكلى، والحمد الله ماعنديش غير شوية زيادة أملاح زي كل المصريين.. بطني بتتحسن واحدة واحدة، ولسه المعدة وجعاني، والدكتور قالي معايا من 8 لـ9 أيام وأرجع عادي، وإن شاء الله هبقى كويس".

يُذكر أنه خلال الأشهر الماضية، كشف أكثر من فنان عن تعرضه لمشكلات صحية؛ بسبب حقن التخسيس، وأنها تؤدي إلى الإصابة بشلل في المعدة، وكان آخر الفنانين الذين تعرضوا لمضاعفات صحية بسبب حقن التخسيس الفنانة الشابة هند عبدالحليم.

على الصعيد الفني، من المقرر أن يُشارك إدوارد خلال ماراثون دراما رمضان المقبل 2025 من خلال دوره في مسلسل "إش إش"، والذي يأتي من بطولة مي عمر، ماجد المصري، هالة صدقي، انتصار، دينا، شيماء سيف، طارق النهري، عصام السقا، محمد الشرنوبي. ويأتي المسلسل من تأليف وإخراج محمد سامي.

قد يهمك أيضــــاً:

إدوارد ينتهى من تصوير مشاهده فى فيلم "الميت ده بتاع مين"

إدوارد يكشف حقيقة خلافه مع المخرج محمد سامي