مصطفى درويش يعلق على تصريحات شريف مدكور

علق الفنان مصطفى درويش، على تصريحات الإعلامي شريف مدكور الأخيرة، الذي أكد خلالها أنه “لن يسلف أحد فلوس إذ استعان أحد به للمساعدة”. ونشر مصطفى درويش، تصريحات “شريف مدكور”، عبر حسابه الشخصي بموقع التواصل الاجتماعي “فيس بوك”، وقال: “عنده حق الموضوع ده مستفز فعلا.. بس بنشوف الرسايل اللي زي دي ومش بنرد بعمل نفسي ما شوفتهاش وخلاص..علشان المحتاج بجد بيكون عفيف وعنده كرامة إنما دول نصباية ودايرة على الكل”. وسبق، أوضح “مدكور” في بث مباشر على حسابه الشخصي بـ"فيس بوك"، أنه حدث سوء فهم من الجمهور بعدما كتب هذا المنشور على صفحته، مشيرًا إلى أنه لا يتأخر عن المقربين منه الذين يحتاجون إليه، ولكن هناك عدة أشخاص لا يستحقون “السلف”.

وتابع مدكور قائلًا: “عايز أفهم.. يعني إيه حد أنا معرفوش يبعتلي على فيس بوك، يقولي أنا عايز أستلف 100 أو 150 ألف جنيه، أولًا اللي عايز يستلف ده لازم يكلم حد من أهله  مثل خالته أو عمته أو أي حد مقرب منه، في ناس قالت عليا قليل الأدب وغليظ القلب، يعني إيه أسلف حد معرفوش، فلوسي اللي أنا تعبت فيها". واستكمل: "يعني إيه واحدة تبعتلي تقولي أنا محتاجة 100 ألف جنيه عشان اشتريت حاجات من ورا جوزي وهتفضح وهسددهملك على سنة، هل يا جماعة ده طبيعي؟، يعني إيه واحد يبعتلي يقولي محتاج 6 آلاف جنيه يقولي بقالي شهور مدفعتش قسط الموبايل هل ده مقبول؟ أنت اشتريت موبايل ليه أصلا وأنت مش معاك فلوسه”. وكان شريف مدكور ناشد جمهوره ومتابعيه مؤخرًا عدم الخروج من البيت حفاظًا على صحتهم من أجل الوقاية من الموجة الثالثة من فيروس كورونا المستجد.

قد يهمك أيضــــــــــــــــًا :

الكشف عن قاتل مصطفى درويش في "مسلسل ضد الكسر"

مصطفى درويش يجتمع مع أبطال "بـ100 وش" بعد اتهامهم بالغرور