الإعلامي شريف مدكور يرد على منتقدي رفضه «السلف»

رد الإعلامي شريف مدكور على الانتقادات التي تعرض لها مؤخرا عبر موقع التواصل الاجتماعي  "فيسبوك" بعد قوله في منشور له إنه يرفض فكرة السلف أو تسليف أحد أي أموال.وقال شريف مدكور، في بث مباشر على حسابه الشخصي على موقع «فيسبوك»، إن «ما حدث هو عبارة عن سوء فهم، والجمهور فهم قصدي بطريقة خاطئة»، مشيرًا إلى أنه لا يتأخر عن معارفه وأقاربه وأنه كان يقصد أشخاصا لا يعرفهم على الإطلاق.

وأضاف: «عاوز أفهم يعني إيه حد أنا معرفوش يبعتلي على فيسبوك، يقولي أنا عايز أستلف 100 أو 150 ألف جنيه، أولًا اللي عايز يستلف ده لازم يكلم حد من أهله مثل خالته أو عمته أو أي حد مقرب منه، في ناس قالت عليا قليل الأدب وغليظ القلب، يعني إيه أسلف حد معرفوش فلوسي اللي أنا تعبت فيها".

وأضاف: «هو يعني إيه واحدة ما أعرفهاش تبعتلي تقولي أنا محتاجة 100 ألف جنيه عشان اشتريت حاجات من ورا جوزي وهتفضح وهسددهملك على سنة، أو حد ما سددش فاتورة الموبايل من 6 أشهر ليه أصلا تشتري وانت مش معاك».

وكان الإعلامي شريف مدكور الشكر قد وجّه رسالة لمهاجي الأزياء التي ظهر بها على مدار 30 يوماً في شهر رمضان المبارك الماضي عبر "فيسبوك"، قائلًا: «في ناس شايفة القمصان مش رجالي.. مش ذنبي إنك أو إنتي مش عارفين ثقافة مصر وأجدادنا الرجال كانوا بيلبسوا إيه من أيام مصر القديمة لغاية منتصف القرن 18.. كانت كل الملابس مشغولة يدوياً وعليها تطريز وشغل إبرة، وكل القمصان دي مستوحاة من التراث المصري القديم بس بطريقة عصرية».

وتابع: «الغريبة إن أغلب اللي مش عاجبهم لابسين هدوم عليها يفط لماركات غربية.. مش ذنبي إن حضرتك حابب تكون يافطة متحركة".

قد يهمك ايضا

شريف مدكور يكشف سر حب السيدات مشاهدة برامجه

شريف مدكور يشيد بتصرف عمر كمال مع أبلة فاهيتا