السيسي يؤكد أن الحوادث الإرهابية في سيناء لم تمنع عملية التنمية الحقيقية

أكد الرئيس المصري عبد الفتاح السيسي أن الحوادث الإرهابية التي تقع في سيناء ومع تصدي الدولة للإرهاب لم يمنع ولن يمنع من عمل تنمية حقيقة في سيناء، قائلا "إذا كنا بنتكلم عن مواجهة التطرف والإرهاب يبقى لازم كل الأطراف مثل المنطقة الغربية والجنوبية في شلاتين وشرق العوينات وسيناء تتعمر".

وأوضح الرئيس السيسي خلال افتتاح المرحلة الأولى من العاصمة الإدارية الجديدة، أن جهد التعمير في المناطق المذكورة قد يكون زائدًا عن باقي المناطق، ولكن يعود هذا الأمر إلى أهميتها الاستراتيجية.

وأشار الرئيس السيسي إلى أن البعض لا يعلم حجم الجهد والتنمية الواقعة وحجم التكلفة المادية المرصودة للتنفيذ في 5 محافظات هم شمال وجنوب سيناء والإسماعيلية والسويس وبورسعيد، مفيدًا برصد الدولة 150 مليار جنيه للتنمية، وأضاف "لازم يبقى حاضر عندنا كمصريين اننا بنخلى بالنا من بلدنا ونحافظ عليها ومحدش هيقدر يأخذها مننا".

وقال الرئيس عبد الفتاح السيسي، إن استدامة معدل النمو الاقتصادي تعني عدم التأخر في هذه الاستدامة، وأن أي تأخر سيسبب مشكلة، متابعا "بقالنا 7 سنين لم نتحرك بالشكل المناسب، علاوة على إن كان عندنا تأخير في السنين اللي فاتت".

ووجه الرئيس السيسي كلمة للشعب المصري قائلا "عايز أقول لكل المصريين، هل اللي إحنا بنعمله ده كان على حساب حركة الحكومة في كل الأولويات والمشروعات الأخرى؟ لأ طبعا، أنا هبقى سعيد بأي نقد مدرك وفاهم وعارف، هو حد عاوز يتكلم عن مصر وميزانيتها لـ100 مليون مواطن و100 ألف موضوع، والابن اللى قاعد في البيت مش عارف أبوه بيجيب الفلوس منين ويصرف عليه إزاي؟".

وحول الانتقادات بشأن المشروعات القومية التي تنشأها الحكومة، قال الرئيس السيسي في حديثه: "ده بيقلل جدا من الجهد اللي بيتعمل، وهيدّى انطباع غير جيد، وكأن الدولة مش عارفة بتعمل إيه، ومستنيين حد يقول لنا خلّوا بالكم من الموضوع ده، ومستعد أسمع بس اللي يكلمني يبقى فاهم وعارف كويس، وارتباط الموضوع اللي بيتكلم فيه والموضوعات الأخرى، لأنها شبكة مترابطة مع بعضها وكل موضوع يؤثر في الآخر".

 واختتم الرئيس عبد الفتاح السيسي حديثه في هذه النقطة قائلا: "بنعمل دولة ذات شأن، وهتشوفوا، وبعد سنين مش كتير هيبقى فيه ناس تقول ياه، قد كده كان كل ده بيتخطط ويتنفذ علشان تبقى بلدنا بالمستوى ده، شكلا ومضمونا".