ضحية التحرش في بني سويف تكشف عن تداعيات القضية

قالت فاطمة دياب، فتاة تعرضت للتحرش في بني سويف وأصرت على التقديم ببلاغ ضد المتحرش، إنها كل يوم صباحا تنزل من منزلها وتشتري متطلبات المنزل وهي تقود "عجلة"، مشيرة إلى أن المنطقة والمجتمع المحيط بها لا يتقبل هذا المنظر على الرغم من أنها لا يوجد ما يمنع ذلك.وأضافت "فاطمة دياب"، خلال اتصال هاتفى ببرنامج "التاسعة"، الذي يقدمه الإعلامي وائل الإبراشي، عبر التليفزيون المصرى: "وأنا نازلة من البيت، لاقيت جاري واقف على باب البيت، أنا مشيت واتصرفت عادي، وبقوله روح يا مصطفى، قالي أنا خايف عليكي من الكلاب، قولتله شكرا مش محتاجة مساعدة، قالي اركبي العجلة، أنا خفت أركب، وبعدت شوية صغيرة ناحية الكاميرة، وفوجئت أنه بيتحرش بيا وانا مش قادرة أنسى إحساسي من ساعتها".

واستكملت قائلة: "الموضوع ده مش أول مرة يحصل، وفي تحرش لفظي، لكن المرة دي كان صعب، وأنا قولت بيني وبين نفسي اني مش هاسكت على الأقل هكلم أهله وأشتكي من التصرف البشع اللي حصل ده، وهو أتجرأ عليا لأنه تخيل إني مش هقدر اخد حقي، ولما اشتكيت لأهله بيبرر وله وقالولي إنه كان بيسندني عشان كنت هقع، وتوفيق ربنا أن في فيديو باللي حصل كله، وهما عرضوا عليا فلوس وأنا رفضت".وتابعت: "عملت المحضر يوم الخميس وتم القبض عليه يوم الأحد على طول، وأنا كل ما أفكر في الموضوع بحس بلمسة إيده على جسمي، وأنا ليه أعيش بالألم ده وأنا معملتش أي حاجة غلط تستدعي إنه يتحرش بيا".

قد يهمك أيضــــــــــــــــًا :

محافظ بني سويف يشهد توقيع بروتوكول تعاون ثلاثي بين الكشافة والتعليم والشباب

صرف إعانة مالية عاجلة لمواطن شب حريق بحظيرة مواشي يمتلكها في بني سويف