أحب ابن خالتي ولا أدري ما أفعل

المشكلة : عراقية عمري 16 سنة، أعيش خارج العراق من كان عمري 7 سنين و نروح للعراق تقريبا كل سنة. قبل أقل من سنة وأنا علاقتي قوية مع بيت خالتي لدرجة اني في بيتهم تقريبا طول الوقت، اني قريبة مع بنت خالتي و أخي قريب من ابن خالتي بسبب تقارب الأعمار و احنا الأربعة دائما ما نلعب و نتحدث مع بعض، ابن خالتي حاليا 19 سنة صحيح اني ما اعرف عنه الكثير بس اعرف انه يضحكني و هو جميل و متدين بس مو متشدد و محترم يعني بالملخص شخص كل بنيه تحلم بي. اني بديت افكر بابن خالتي صار اقل من سنة بس دائما كذبت شعوري من خوفي انه يكون حب من طرف واحد و انجرح بس قبل شهر بنت خالتي “أخته” قالت لي انه صاحب وحدة اني اعرفه كانت صديقتي قبل ما أسافر و لمن عرفت اكتأبت و ما كدرت أظل بيتهم لحد ما رجعنه بس ورى ما عرفت بالموضوع ما كدت اكذب مشاعري اتجاهه بس اني خائفة انجرح لأنه اني من هسه بديت اتٲلم، أنا حاليا عندي3 أسئلة محتاجة المساعدة بيهم 1- هل اني فعلا احبه ام وهم؟ 2- اذا فعلا احبه اكمل لو راح انجرح و شلون أوقف هذا الإحساس.

الحل: هذا وهم منك تعيشينها وحدك، إنسي الأمر ، ركزي على نفسك دراستك، أو عملك، حافظي على علاقات طيبة مع بيت خالتك ولا تجعليه وسيطًا فيها فهي خالتك قبل أن يكون هو ابنها، اكسبي، حب واحترام الجميع والله ينور لك دربك.