القاهرة - مصر اليوم
أطلقت النجمة أنغام أحدث أغنياتها بعنوان "لوحة باهتة" عبر قناتها الرسمية على موقع يوتيوب، بطريقة الــ video lyrics .الأغنية من كلمات نادر عبدالله وألحان تامر عاشور وتوزيع طارق مدكور. ،ويأتي تعاون أنغام مع الشاعر نادر عبدالله والفنان تامر عاشور في ثاني تعاون يجمعهم بعد أغنية يا ريتك فاهمني.
ومن كلمات الأغنية:
عارف احنا طول فراقنا زي ايه
زي لوحة باهتة لونها مايترسمش
زي سطر في صفحة متشخبط عليه
مهما تقرا فيه تلاقيه مابيتفهمش
زي طفلين وقت لما بيغلطوا
بتلاقيهم خافوا يومها وعيطوا
زي حرفين مشبوكين واتفرطوا
زي طرفين مقطوعين مابنتلضمش
كنت عمري ياللي مقصود بالكلام
كنت ضهري ونفسي ضهري مايتقطمش
هو بالليل ينفع ان العين تنام
الا لو لو يحضنها ويغطيها رمش
ليه وافقنا وسيبنا بعض ازاي كمان
واتفارقنا قال عشان مابنتفاهمش
عننا ما كنا اتفاهمنا من زمان
بس من اللي بينا كنا مانتحرمش
كنت عمري ياللي مقصود بالكلام
كنت ضهري ونفسي ضهري مايتقطمش
هو بالليل ينفع إن العين تنام
إلا لو لو يحضنها ويغطيها رمش
قــــــــــد يهمك أيضأ :