كشفت الفنانة يسرا اللوزي عن إصابة ابنتها الكبرى “دليلة” بمرض السكري، موضحة تفاصيل اكتشافها للمرض وكيفية تعاملها معه، وذلك خلال لقائها في بودكاست “Diabetips Talks”.

وقالت يسرا اللوزي: "وقت الكورونا لما المدارس كانت أونلاين كنا في يناير في الشتاء لاحظت فجأة أن "دليلة" بتخلص إزازة الماية بتاعتها بالليل وتقوم تملاها، وكانت اختها لسه بيبي كان في حاجة مش متأكدة منها كنت فاكرة أنها غيرانه، كان في مرحلة فجأة بتتعصب جدا وهي كان عندها 6 سنين ونص، كنا نبقى برا وتقولي شيليني مش قادرة وتتعصب وكنت فاكرة أنها بتلفت نظر وعايزة تاخد الاهتمام من أختها لكن ركبت الحاجات مع بعض، أنا عارفة أن السكر العالي بيعصب والسكر الواطي بيهبط، حطيت كل دا مع بعض قلت ممكن يبقى عندها السكر".

وأضافت حديثها قائلة: "خبرتي في السكر جايه من جوزي كان عنده سكر من وهو عنده 10 سنين وكان حكالي اللي حصله، لما سمعت تجربته ومن العيشة معاه بقيت عارفة فعرفت الأعراض بسرعة".

  قد يهمك أيضــــــــــــــا

يسرا اللوزي تتحدث عن حقيقة وجود جزء سابع من "المداح"

يسرا اللوزي تتحدث عن تأثير محمد إمام وشيكو في خروجها من حالة الحزن