القاهرة - محمد عبد الحميد
وجه مرتضى منصور رئيس نادى الزمالك انتقادات لاذعة للأرجنتينى هيكتور كوبر المدير الفنى للمنتخب المصري بسبب استبعاده بعض اللاعبين المؤثرين من صفوف الفراعنة .
قال مرتضى منصور خلال تقديمه صفقة إبراهيم حسن لاعب الإسماعيلى الجديد : "لو عايزين تتكلموا عن غباء كوبر أنه مش بيضم لاعيبه زى إبراهيم حسن ومحمود علاء وجنش وروقا وعنتر ومدبولى والشامى وعبد الله جمعة وباسم مرسى" .
أضاف مرتضى منصور: "كوبر فى عيال بتتحكم فيه وبتوديه يمين وتوديه شمال.. ومستحيل يقبل يتطلع بالمنظر ده فى برنامج رامز ويتعرض للإهانة بالشكل ده وهو بخيل جدا من غير ما يكون واخد ملايين".
ووجه مرتضى رسالة شديدة اللهجة للاعبى الفريق الكروى الراغبين فى الرحيل مجانا خلال الميركاتو الصيفى الجارى .
وقال مرتضى: "عايز أقول لأى لاعب بنادى الزمالك بيفكر يمشى ببلاش وحياة أمك وحياة أمك وحياة أمك انسى.. هتجيب عرض محترم يليق بيك ويليق بالنادى هتمشى مش هتجيب خليك قاعد.. النادى عنده فلوس محجوز عليها وكده كده الحجز هيتفك" .
وأعلن مرتضى منصور التعاقد رسميا مع إبراهيم حسن صانع ألعاب الإسماعيلى ليكون أحدث الصفقات البيضاء استعدادا للموسم الكروى الجديد.