ابنة علي الحجار تفتح النار على محمد رمضان بسبب تصريحاته الأخيرة بشأن والدها

هاجمت مشيرة ابنة الفنان علي الحجار ، النجم محمد رمضان، بسبب خلاف قديم بينه وبين والدها، حيث أدعى محمد رمضان مؤخرًا طرد على الحجار له من إحدى المسرحيات. فكتبت مشيرة الحجار، ابنه على الحجار، عبر حسابها على موقع التواصل الاجتماعى فيس بوك ، قائلة :” البرنامج دة قديم مش جديد، و القصة دى رمضان حكاها كذا مرة فى برامج و كل مرة يغير فيها تفصيلة بسيطة، و أبويا عمره ما رد، و كان شايف إن الموضوع مش مستاهل يترد عليه و أنا الصراحة مستغربة جدا هو أزاي بيحكيها بثقة قوى كده و جاب الخيال ده منين؟! .”.

وأضافت:”أنا قررت دلوقتى أني اقول القصة الحقيقية لأن ابويا يستاهل ده، و ده حق ربنا، و هيشهد على كلامى أخويا أحمد الحجار لأنه كان له دور رئيسي في المسرحية، غير أن طبعا المسرحية ليها أبطال و مخرج عارفين الحقيقة”.

وسرد مشيرة تفاصيل الخلاف قائلة:”اللى حصل إن المخرج اختلف مع محمود عزب أحد الابطال، خلاف شخصي فقرر يفاجيء الفنانين بأنه جاب رمضان يوم واحد، على الحجار شاف إن عزب مايستحقش كدة بعد تعبه فى 6 شهور بروفات و قال لرمضان وقتها أنت ملكش علاقة بالموضوع خالص و كان حيادي جدا.. فقرة الناس اللى كتفوه و ضربوه دي ما حصلتش، ولا عمر أبويا اصلا كان عنده بودي جارد، و موضوع القلم الألماظ عليه علامات استفهام كتير!”.

وتابعت :”جو المعاناة اللي رمضان عايش فيه ده و إن الناس افترت عليه و هو صامد كالجبل رخيص قوي، و الكدبة إن دلت على حاجة فهى تدل على شخصية صاحبها. اتعرفوا كويس على الفنان المكافح محمد رمضان! و على فكرة كلنا بنكافح بطريقتنا. أبويا نفسه جي من عيلة بسيطة و كافح و بنى نفسه بس الموضوع مش لبانة في بقه يستعطف بيه الناس.”.

واختتم قائلة:”احنا في زمن الكدب و الافتراء شيء عادي جدا، و الكدبة او الفضيحة تنتشر اه، انما تنشر الحق؟ لأ طبعا! الناس تحب الفضايح!”.