مي عمر تثير التساؤلات بتعليق غامض

نشرت الفنانة مي عمر عبر حسابها الخاص في "إنستغرام" مجموعة صور جديدة لها، لاقت تفاعلاً واسعاً من جمهورها ومتابعيها، وأثارت بها التساؤلات بسبب تعليقها الغامض على الصور.

وكتبت مي في تعليقها على الصور كلمتين أثارت بهما فضول وتساؤلات المتابعين، حيث قالت: "عصري وقوانيني".

وبدأ المتابعون في تفسير التعليق، حيث أكد البعض أنه يحمل في طيّاته رسالة عميقة عن قوة أسرار إطلالاتها المختلفة وقوانينها في الاختيار، وشارك البعض الآخر تجاربهم الخاصة وتعليقات الدعم.

مي عمر تشنّ هجوماً على زميل لها بسبب الترند

وكانت مي عمر قد شنّت من خلال منشور عبر حسابها الخاص في "فيسبوك" هجوماً عنيفاً على أحد زملاء المهنة إذ وصفته بأنه ليس ممثلاً، بسبب هجومه على الترند خلال موسم رمضان، ليفاجئ الجميع بفرحته بعد دخول مسلسله الذي يُعرض حالياً الترند.

وعبّرت مي عن غضبها، قائلةً: "زميل، (مش ممثل)، وكنت بعتبره صديق، طلع في رمضان كتب بوست بيتريق فيه على الناس اللي بتفرح وتشارك إنها ترند رقم واحد، والبوست كان كله بقى: (التريند مش هدف الشغلانة) و(إحنا بنشتغل عشان الفن مش الأرقام)... كلام تنظير وفذلكة على أعلى مستوى".

وأضافت: "أنا ساعتها قلت مش هردّ، وكنت سايبة الأيام تكشف، عشان كنت عارفة إن عنده مسلسل هيتذاع أوف سيزون، وأول ما يقرب من أي ترند حتى لو دخل رقم عشرة نص ساعة، هيبقى مش مصدّق نفسه وهيقعد يشارك ويحتفل كأنه فتح القدس... وفعلاً مكدّبش خبر! أول ما مسلسله دخل الترند، بقى بيشارك فرحان إنه (رقم واحد)، الله! هو الترند كان وحش في رمضان وبقى جميل دلوقتي؟".

واستكملت مي عمر حديثها قائلةً: "طبعاً أنا مش ضد إن أي حد يفرح بنجاحه، بالعكس مبروك والله، ومن حقك تفرح وتشارك لإن ده تعبك ومجهودك، بس ياريت نبطّل المنظر بتاع: (أنا مختلف… أنا فوق التريندات) وبعد كده أول ما نقرب منها نطير من الفرح وننشر 20 ستوري".

مي عمر: لا أوجّه كلامي لأي نجم شارك في العمل

واختتمت مي عمر منشورها بالقول: "أنا عارفة إن أي حد يعرفني كويس هيستغرب من كلامي، لأني عمري ما ردّيت على حد، بس بجد ليه إحنا شطار جداً في إننا نحرّم على غيرنا حاجة، ولما تيجي في ملعبنا تبقى فجأة أحلى حاجة في الدنيا؟ في الآخر، الترند مش هدف، غير لما يبقى معانا، للتوضيح، كلامي مش موجّه لأي نجوم شاركوا في العمل، بالعكس أنا بقدّرهم وبحترمهم علشان ماحدّش يفهمني غلط".

 قد يهمك أيضــــــــــــــــًا :

القبعة أكسسوار النجمات المفضل في أيام الصيف وأناقة البحر لا تكتمل بدونه

مي عمر تحتفل بعيد ميلاد زوجها بطريقة ملكية وهدية ثمينة