رانيا فريد شوقي توجه رسالة مؤثرة لأختها ناهد

أعربت الفنانة رانيا فريد شوقي عن حزنها الشديد على فراق أختها المنتجة الراحلة ناهد فريد شوقي والتي رحلت عن عالمنا يوم الثلاثاء الماضي الموافق 5 ديسمبر.

رانيا فريد شوقي توجه رسالة مؤثرة لـ أختها ناهد

نشرت رانيا فريد شوقي صورة عائلية تجمعها بأختها الراحلة ناهد فريد شوقي عبر حسابها الرسمي بموقع التواصل الإجتماعى «انستجرام»، وعلقت: «للأسف بنعتاد الأحباب في حياتنا كأنهم خالدين في الدنيا زي ما نعتاد النعم كأنها مستمرة إلى الأبد وده من عيوب البشر».

وأضافت رانيا فريد شوقي: «أختي الحبيبة الغالية ناهد أنا بعتذر لك لأني اعتدتك في حياتي يمكن خيالي كان أضعف من إني اتصور فراقك، يمكن خدتنا مشاحنات الدنيا وربنا نور بصيرتنا ورجعنا لحضن بعض والحب اللي اتربينا عليه».

وتابعت: «حبنا لبابا كان دايما بيجمعنا يمكن لإني تنسيت أننا بنكبر كلنا يمكن لأني جيت الدنيا لقيتك أختي الكبيرة القوية العنيدة اللي ماتعرفش حاجة اسمها استسلام وإرادتها من حديد قوتك، كنت بطمني عليكي أنا مش عارفه انا بكتب ايه بس اللي حساه أكبر بكتير من أي كلام».

واستكملت رانيا فريد شوقي: «مازلت مش مستوعبة ولما حد بيقول الله يرحمها بتخض في الفترة الأخيرة كنت بشوف فيكي بابا بكل حركاته وطريقة كلامه ونظراته وهزارك وقولت للأحفاد اللي ماشفوش جدهم ناهد بقت نسخة من جدكم لما تشفوها كأنكم شفتوه».

وأضافت رانيا متحدثة عن أختها الراحلة ناهد فريد شوقي: «سبحان الله والغريب اني من الشخصيات اللي بتخاف تدخل على حد متوفي لأنه بيبقي آخر انطباع بيفضل في الذاكرة عن الشخص، لكن لما دخلت وشوفت وشك مبتسمة كأنك نايمة وبتحلمي حلم جميل حسيت أنك شوفتي فريد ابنك بيستقبلك وخدك لحبايبك بابا وطنط هدي ومها أختنا ده تفسيري لابتسامتك الهادية الجميلة الواضحة أوي اللي هونت علينا كلنا فراقك واللي مش هتفارقني اللي باقي من عمري كنتي راضية بكل أقدار الله ومسلمة أمرك لله».

واختتمت رانيا فريد شوقي حديثها قائلة: «إلي أن نلتقي يا أختي سلميلي على بابا وقوليله الحياة من غيرك مش حياة ونفسي يجيلي في الحلم بقاله فترة غايب عني هتوحشيني أوي يا حتة من أبويا ومن قلبي».

قد يهمك أيضــــــــــــــــًا :

رانيا فريد شوقي تكشف عن أمنيتها بخوض تجربة فنية تناقش القضية الفلسطينية

رانيا فريد شوقي تكشف سبب رفض والدها دخولها عالم التمثيل