انطلاق الحُكم في استئناف قضية منار سامي بتُهمة التحريض على الفجور

تنطق المحكمة الاقتصادية في طنطا، السبت، بحكمها في استئناف قضية منار سامي المعروفة إعلاميا بـ"فتاة التيك توك"، في محافظة القليوبية، والمتهمة بالتحريض علي الفسق والفجور وبث فيديوهات خادشة للحياء العام بقصد ممارسة الدعارة.
وقبل النطق بالحكم على منار سامي إحدى فتيات التيك توك، ترصد خلال التقرير التالي، عمليات الدعارة والتحريض على ممارسة الجنس التي تمت باستخدام التيك توك، واتهمت فيها زمردة ابنة شيري هانم، لا سيما قضية منة عبدالعزيز الشهيرة، ومودة الأدهم.

زمردة وحجة "عندي ظروف"
تحقيقات القضية المتهم فيها شريفة رفعت وشهرتها شيري هانم وابنتها زمردة بتهمة ممارسة الدعارة والاعتداء على مبادئ وقيم أسرية في المجتمع المصري، كشفت قيام زمردة بممارسة الجنس مقابل الحصول على أموال، وقالت المتهمة نورا هشام علاء الدين الشهيرة بـ"زمردة" خلال اعترافاتها في القضية رقم ۲۱۲۸ لسنة ۲۰۲۰ جنح مدينة نصر أول، الرسائل اللي بيني وبين أمي عن شخص اسمه ك م كانت عشان أمي تبقى عارفة أنا بعمل إيه، والشخص ده واحد كنت هقابله وهي كانت عايزة تعرف أنا هاخد كام، والشخص ده أنا كنت معشماه إن هيبقى فيه بينا علاقة جنسية واني هقضي معاه ليلة ويديني فلوس، وانا بصراحة كنت بضحك عليه، ولما روحت اتحججت اني عندي ظروف وأخدت ٤ آلاف جنيه ومشيت وعملت له بلوك، وأنا كنت باقول لأمي إن فيه ناس على إنستغرام عايزة تقابلني ويكون في علاقة جنسية، وكنا بنتفق إزاي أقابلهم وأمشي دون ما يحصل علاقة كاملة.

ممارسة الجنس في السيارات
وأشارت زمردة: معظم علاقاتي ماما كانت عارفاها، لما كنت بنزل مع أشخاص في عربياتهم ويحصل علاقة جنسية بس مش كاملة واخد الفلوس وامشي، وماما كان دورها إنها تقولي إزاي أتحجج عشان أهرب من العلاقة الجنسية الكاملة، متابعة حول محادثة تضمنت إيحاءات جنسية بينها وبين والدتها، أنها كانت في سيارة مع شخص يدعى أ وتحدثت والدتها لتسألها عن مكانها وهتاخد كام، وفعلا نزلت معاه في العربية وعملنا علاقة بس مش كاملة واخدت الفلوس ومشيت، ومضيفة، احنا كنا بنصرف الفلوس على إيجار الشقق والمعيشة ومكنش في فلوس تاني، مشيرة " في مرة كنت مزنوقه في فلوس واتعرفت على شخص اسمه م ع وقولتله اجيلك الشقة في الزمالك وروحتله واخدت ٤ آلاف جنيه، وواحد تاني اسمه ف وجالي شقة أرض الجولف وعملنا علاقة جنسية بس مكملناش ومشي واداني الفين جنيه وماما ملهاش دعوة بموضوع العلاقات الجنسية انا اللي كنت بعملها وبجيب الفلوس.

بنت هربانة من أهلها
وخلال تحقيقات قضية الفتاة الشهيرة منة عبدالعزيز، اعترف المتهم مازن إبراهيم "طالب بمعهد خاص" بتفاصيل ممارسة الجنس في أحد فنادق منطقة الهرم قائلا: أنا وصاحبي كلاشينكوف قبل واقعة منة على طول لقيته بيتصل بيا، وقالي في مصلحة حلوة، بنت هربانة من اهلها هتسيب البيت وتجيله، وهي معاها دهب وفلوس وتليفون، وهو عاوز يقلب منها حاجة، واتفقت معاه اننا نفطر سوا في البيت عندي انا وهو وبيشوي، وبعدها نزلنا قابلنا البنت اللي مش فاكر اسمها، في المريوطية، بيشوي ساعتها قال عندي مكان في فندق زوسر، وقابلنا سراج فاروق عند الفندق، وطلعنا احنا والبنت الدور السابع، وحجزنا اوضتين، واول لما طلعنا، كلاشينكوف والبنت دخلو اوضة، وأنا وبيشوي دخلنا التانية، وبعد نص ساعة، كلاشينكوف جه اوضتنا، وقالنا إنه مارس الجنس مع البنت، واخد الموبايل بتاعها، وقالها إنه رايح يجيب حشيش وطالع.

عريانة مع بيشوي
واعترفت المتهمة فاطمة أحمد شحاتة 19 عاما ربة منزل، بتفاصيل الاعتداء الجنسي الذي تعرضت له الفتاة منة عبدالعزيز قائلة: حصل مشكلة بينا في الفندق وإحنا قاعدين بسبب أن منة سرقت تليفون، بيشوي طلب ياخد منة في الأوضة اللي جنب السويت وحصل فعلا، وسبناه يدخل بيها الأوضة وقفل الباب وقعدوا ساعة مش سامعين صوتهم خبطنا عليهم راح بيشوي قال مش عايز أسمع صوت حد أنا هتعامل معاها، وبعديها بنص ساعة رحنا نخبط تاني بيشوي فتح بعدها بـ5 دقائق وكان لابس هدومه ومنة كانت ملط جوه الأوضة، ولبست هدومها وبعدها فهمنا أنه كان نايم مع منة في الأوضة، واتجمعنا تاني في السويت وفضلت منة تسأل عن تليفونها راح مازن ضربها تاني على وشها بالأقلام وبيشوي ومازن زقونا أنا وشيماء ورحمة وكلاشينكوف كان كدة كدة في الأوضة التانية وطلع بعدينا مازن من السويت وساب منة مع بيشوي، قفل الباب عليه وبعد ما قفل الباب دخلنا الأوضة التانية وأول ما دخلنا الأوضة سمعنا صوت منة وهي بتقول خلاص يابيشوي ماتضربنيش.

رسائل جنسية شاذة
كشفت التحقيقات فى قضية مودة الأدهم، 20 سنة، والطالبة بالفرقة 3 كلية الإعلام بإحدى الجامعات الخاصة، المتهمة بالتعدي على القيم والمبادئ الأسرية ونشر الفسق والفجور، عن وجود محادثات شاذة وجنسية مع فتيات وشباب، حيث وجد على حسابها بتطبيق السناب شات العديد من الرسائل بينها وبين الأشخاص، ومن بينها محادثة للمتهمة مودة الأدهم وبين آلاء، وتبين قيام المتهمة بتبادل رسائل مع فتيات حول ممارسة الشذوذ مع إحدى الفتيات التى طلبت رقم هاتف مودة لتحويل رصيد 100 جنيه، وتبين من التحقيقات قيام المتهمة مودة الأدهم بإرسال مقاطع فيديو تقوم فيه في الرقص بملابس فاضحة، بالإضافة إلى شات جنسي بينها وبين أحد الأشخاص.

قد يهمك أيضا :  

بدء نظر أولى جلسات محاكمة منار سامي فتاة التيك توك بمحكمة استئناف طنطا

النطق بالحكم على فتاة تيك توك منار سامي في التحريض على الفسق والفجور