الإعلامية مروة صبري تهاجم مها أحمد

لا تزال تصريحات الفنانة مها أحمد حول ظهورها على "تيك توك" محط اهتمام الجمهور، حيث علّقت الإعلامية مروة صبري في برنامجها "قعدة ستات"على ما قالته مها والطريقة التي هاجمت فيها منتقديها وطالبت بقطع الانترنت عنها للتوقف عن هذه التصرفات التي تسيء إليها.

وقالت الإعلامية المصرية: "الفنانة مها أحمد إحنا عارفين أنها بقت نجمة من نجوم "تيك توك" ودايماً بتشتكي أن مش لاقية شغل وهفضل قاعدة على "تيك توك"، اللي عايز يعمل حاجة يعملها هو حر لكن نحنا دايماً بنتكلم عن الفنانين لأنهم بيمثلوا بلدهم وفنهم وبيعتبروا قدوة".

وأضافت: "انتشر فيديو لمها من يومين وهي طالعة بث مباشر بتتكلم مع متابعيها، وحد سألها ليه بتطلعي لايف كتير وفين زوجك الفنان مجدي كامل وحد قالها ما ترجعي تمثلي، دا حب الناس ودايماً بنقول ربنا يرزقنا بحب الناس لأن الناس هي اللي بتعمل الفنانين يعني أن حبهم هو اللي بيعلّيك وكرههم هو اللي بينزلك، يعني لو الناس بتنصحها بحاجة من حبهم فيها، لكن الغريب والصادم أنها ترد على المتابعين اللي بيحبوها اللي هما كانوا جزء أساسي وكبير في شهرتها أنها قالت يا جماعة أي حد هيكلمني كلمة مش عاجباني (هديله بالشبشب) وأنا أعرف أردّ... وراحت تهاجم الناس بأسلوب غريب، اقطعوا النت عن مها أحمد".

وواصلت مروة صبري هجومها على الممثلة المصرية قائلةً: "مها أحمد مبقتش خطر على نفسها دي بقت خطر على الجمهور، مش دول الجمهور اللي بتحبيه مش لما الناس قعدت تهاجمك قلتي أنا بحب التيك توك محدش يتكلم، طيب بتكلمي متابعينك على "تيك توك" بأسلوب غير لائق ليه، حتى لو هتردي عليهم قولي أنا مش لاقية شغل لكن متقوليش ألفاظ مش حلوة، إنتي كده هتخسري الوسط الفني ومتابعينك والناس اللي بتدعمك"

واختتمت حديثها بتوجيه نصيحة لمها أحمد قالت فيها: "إنت الوحيدة اللي عاملة بلبلة على "تيك توك"، حافظي على اللي باقي من متابعينك وتقبّلي النقد مفيش حد كبير على النقد أبداً".

قد يهمك أيضــــاً:

مها أحمد تعبر عن امتنانها لمتابعيها

الفنانة مها أحمد تهاجم منتقديها