حلا شيحة توجّه رسالة غامضة عن ازدواجية تصرفات بعض الأشخاص

نشرت الفنانة المعتزلة حلا شيحة، عبر حسابها الخاص بـ"إنستغرام" صورة جديدة لها، وعلقت عليها برسالة طويلة عبرت خلالها عن رؤيتها لبعض الشخصيات في الحياة، منتقدة ما وصفته بازدواجية التصرفات وعدم التوافق بين الكلام والأفعال.

وقالت حلا في تعليقها على الصورة: "تأملاتي ساعات بتخضني أنا شخصيًا بس عاوزة أفهم بجد، في ناس في الحياة تحس إنهم مفيش إحساس أصلًا، فى ناس برودهم مستفز فعلاً عارفين مثل، يعملوا العملة ويكملوا عادي".

وأضافت: "الأحلى بقى كلامهم عن ربنا تقول أهل الله أكيد بس تلاقى أفعال حاجة تانية خالص، نوعية كده فاكرين إنهم تمام وهما ولا تمام ولا شايفين طريق التمام. ناس تعرفك لمصلحة معينة فى دماغهم وبعدها يتحولوا".

وتابعت: "ساعات أنت بقى تقابل النوعية دى تبقى مش مصدق هو في كده فعلاً، وعادي ولا هما حاسين إنهم كده ولا حد قالهم.. فيقوم ربنا يحب يفوقهم فيبعت لهم رسايل بس برضه عادي شايفين إنهم تمام والغلط مش فيهم ولا عندهم ومكملين".
حلا شيحة: أحلى شيء عندما تعرف الشخص على حقيقته

واختتمت حلا تعليقها قائلاً: "بس أحلى حاجة إنك تبقى خلاص شايفهم على حقيقتهم ومكشوفين جدا، فتضحك وتشوفهم مرة صدفة من بعيد تلاقيهم عايشين برضه نفس الدور، لسه مكملين، وعجبي على رأى صلاح جاهين، هو أنا بحس النوعية دى لوحدى ولا انتوا كمان؟! قولولي بجد يا جماعة هو أنا بتخيل ولا إيه؟".

وتواصل الفنانة حلا شيحة توجيه النصائح لجمهورها حول ضرورة الالتزام بالدين والعودة الى الطريق السليم والتوبة الى الله، وذلك منذ ارتدائها الحجاب مرة أخرى وإنشاء قناة خاصة بها على "يوتيوب" لنشر نصائحها الدينية.

قد يهمك أيضــــــــــــــا

حلا شيحة تتحدث للمرة الأولى عن تفاصيل زواجها من معز مسعود

حلا شيحة تتحدث للمرة الأولى عن رؤيا تسببت في اعتزالها الفن