الفنان تامر حسني يدعم إحدى الفرق الموسيقية بهذه الطريقة

 حرص الفنان تامر حسني علي دعم إحدى "الفرق الموسيقية" بعدما قاموا بتوزيع أغنيته الشهيرة "عمري ابتدي" بطريقة مختلفة. ونشر "تامر" مقطع فيديو "للفريق الموسيقي" من خلال خاصية "ستوري" عبر حسابه الشخصي على موقع تبادل الصور والفيديوهات "إنستجرام".

وعلق "تامر" على الفيديو قائلا:"الله الله علي الفريق العظيم دا و البنوتة العسل دي خلاص اخذتي قلبي.

وفي سياق آخر كانت الفنانة حلا شيحة هاجمت تامر حسني بعد تجاهله لها وطرحه فيديو كليب "بحبك" من فيلم "مش أنا"، والذي يتضمن مشاهد رومانسية تجمعه بها، رغم أنها نشرت عبر صفحتها الشخصية منشورا كشفت فيه تبرؤها من العمل في الوقت الراهن.

وكتبت حلا شيحة عبر حسابها بموقع "إنستجرام" مهاجمة تامر حسني: "أنا اتفاجئت جدا بنزول كليب يجمع فيه مشاهد متفرقة من الفيلم وخصوصا بعد آخر بوست نزلته ووضحت فيه أنا إيه.. واتفاجئت أكتر خصوصا بعد وعد تامر حسني ليا وتأكيده إنه هايحترم رغبتي وبعض الطلبات اللي طلبتها منه بكل احترام وود الصيف اللي فات وأكد لي إنه هايحترم رغبتي".

وأضافت حلا شيحة: "احنا يمكن نجحنا بمقاييس الدنيا.. بس صدقوني بمقاييس ربنا احنا لم ولن ننجح.. أنا عارفة ومتأكدة إن زملائي جواهم خير بس للأسف فتنة الشهرة والنجاح مش بتخلينا نشوف ونقيس الأمور صح.. باتكلم من قلبي الكليب ده ميرضيش ربنا وأنا عيطت لأني شفت نفسي في المشاهد دي.. دي كانت زلة نتيجة ظروف مريت بيها وكلنا بنغلط ولازم نغلط علشان إحنا بشر بس المصيبة إننا بنغفل وننسى".

وتابعت حلا شيحة: "أنا مش هاتكسف من حد.. أنا تبت من المشاهد دي وهي لا تصح وأنا غلطت وباصلح، وأهم حاجة إن ربنا يرضى عني لأن في الآخر ده اللي هاينفعنا مش الشهرة ولا النجاح.. لا هو مش نجاح أصلا علشان النجاح الحقيقي حاجة تانية خالص إحنا أغلبنا ناسينها، إلا القليلين منا.. الفن لو بيخلينا نبعد عن منهج ربنا ومنبقاش قدوة لولادنا يبقي باطل وميبقاش فن".

قد يهمك أيضــــــــــــــــًا :

أسعار تذاكر حفل تامر حسني في العلمين الجديدة تصل إلى 3500 جنيه

إيرادات فيلم «مش أنا» لـ تامر حسني تتخطي حاجز الـ 111 مليون جنيه