بدء التحقيق في واقعة ضرب مُدرّسة لطالب والوقوف فوق صدره بقدميها

أعلن الدكتور الهلالي الشربيني، وزير التربية والتعليم، بدء التحقيق في واقعة قيام إحدى المعلمات، في مدرسة محمد عبده الإعدادية، التابعة لإدارة عين شمس التعليمية، بطرح أحد الطلاب، في الصف الثاني الإعدادي، أرضًا، وضربه، والوقوف فوق صدره بقدميها. وأكد أن التحقيق يتم حاليا مع كل من مدير إدارة عين شمس التعليمية، ومدير مدرسة محمد عبده الإعدادية، والأخصائية النفسية في المدرسة (المتهمة في الواقعة)، وذلك في مقر الإدارة العامة للشؤون القانونية، في ديوان عام الوزارة.

 وتداول نشطاء، عبر موقع التواصل الاجتماعي "فيسبوك"، صورة لمدرسة تقف بقدميها على صدر طالب، بعد أن طرحته أرضًا، في الوقت الذي تكمل فيه حديثها لباقي التلاميذ بشكل طبيعي.

وجاء نص المنشور، المتداول على مواقع التواصل الاجتماعي، كالتالي: "الهانم دي اسمها عديلة، شغالة مدرسة تربية نفسية (اللي هو زي أخصائية اجتماعية) في مدرسة إعدادية، والطفل اللي تحت رجلها دا اسمه محمد حمدي، في الصف الثاني الإعدادي، في مدرسة محمد عبده، قاعد في الفصل عادي جدًا، زيه زي أي حد معاه، الولد اللي وراه صَفَّر، افتكرته هو، راحت جابته من القميص، وحطته تحت رجلها، وايده فوقيه، عشان حتي ما يحاولش يدافع عن نفسه، وفي إيدها العصاية، ولو حاول بإيده التانية يزقها تضربه، وفضل يتحايل عليها، ويقولها قلبي هيقف، وهي عادي بتكمل كلامها مع الباقي، ولما أمه راحت تشتكي، وتقولها ليه عملتي كدة، تقولها إنه كان واقع وأنا بحاول أقومه من على الأرض، وطبعا الولد دلوقتي رافض يروح المدرسة، عشان شكله قدام صحابه، وانهم بيقولو له كنت زي الصرصار تحت رجلها".