السيسي يصف العاصمة الإدارية الجديدة بـ"تاريخ مصر الحديث"

تفقد الرئيس المصري عبد الفتاح السيسي، الأحد، بعض الأعمال الإنشائية في العاصمة الإدارية الجديدة، ووجّه حديثه للقائمين على المشاريع فيها قائلًا إنهم بعد سنوات طويلة جدًا، سيفتخرون بالقيام بهذه المهمة، "بعد سنين طويلة جدًا هتقولوا احنا اللي عملنا ده، ده اسمه تاريخ مصر الحديث، دي الدولة الجديدة، وهذا أمر ليس باليسير".
وأضاف "المشروع ده عاوز منا انتباه شديد، اللي بنعمله ده هيفضل معانا على طول، مش عشرات السنين فقط، بل مئات السنين"، موضحًا: "القاهرة الخديوية معمولة من 150 سنة، لما اتعملت وقت ما كان افتتاحها كانت حاجة تانية خالص،  كان لابد أننا نخرج من القاهرة لأننا بنصرف على القاهرة مليارات الجنيهات لو كانت اتصرفت هنا من 20 سنة كانت خلت المنطقة هنا حاجة تانية".
وواصل: "الخلاصة في الكلام.. انتبهوا للحاجة اللي بتتعمل، مش معاك بس اللوحة بل معاك فكرة وعقلك، أنا مستعد اسمع كل المهندسين والمكاتب الاستشارية، لما اتكلم معاكم بتكلم عشان اسمع، عشان نطلع حاجة جميلة، شد حيكلم، الـ8 أشهر اللي قفلتوا فيهم كان ليهم تأثير، كورونا أذتنا سنة، لازم نعوض ده".
كان قد زار "السيسي" بعد ظهر الأحد عدد من المشاريع والمواقع الإنشائية بالعاصمة الإدارية الجديدة، حيث اطلع على الموقف التنفيذي للمشروعات وسير العمل بها، ومعدلات الانجاز، وفي هذا الصدد صرح السفير بسام راضي المتحدث الرسمي باسم رئاسة الجمهورية، بأن الرئيس تفقد خلال جولته حي البنوك، ومركز مصر الثقافي الإسلامي، إلى جانب عدد من القطاعات والأحياء السكنية، وكذلك الحي الحكومي، الذي سيضم مباني الجهات والهيئات الحكومية المختلفة، مثل الوزارات ورئاسة مجلس الوزراء، ومجلسي النواب والشيوخ، وغيرها من مؤسسات الدولة، مؤكدًا أن الرئيس شدد على ضرورة مراعاة الالتزام الدقيق باجراءات الوقاية من فيروس كورونا، حفاظا على سلامة كل العاملين

قد يهمك ايضا

الرئيس السيسي يُوجِّه رسالةً قويةً لأصحاب الرسومات المسيئة للرسول

السيسي يُؤكّد أن الإعلاء في ممارسة الحرية ضرب مِن ضربٌ التطرّف