ياسمين عبد العزيز تطلب من أحمد العوضي قتل خالد الصاوي في "اللي مالوش كبير"

عرضت قناه CBC، الحلقة الثالثة من مسلسل "اللي مالوش كبير"، الذى تدور أحداثه حول (غزل) ياسمين عبد العزيز تعانى من عنف زوجها (عابد تيمور) معها وضرب له، ولا توافق عائلتها على أن تتطلق منه وتتوالى الأحداث فى إطار من الدراما التشويقية.

ملخص بأهم ما ورد فى الحلقة الثالثة "اللي مالوش كبير" من أحداث

- بعد أن فتح (عابد تيمور)  خالد الصاوي عينه وجد (غزل) زوجته أمامه تمسك المقص لقتله وقال لها: " تخيلي لو مكنتش صحيت انتي برضو مكنتيش هتعمليها انتي ملاك ياحبيبتي مهما عملتى شرسة جواكى طفل" فقالت له: " أنا بكرهك طلقني واخلص مني"، فرد عليها: " للاسف بحبك مقدرش اسيبك تبعدى عني وتروحى لحد تانى حتي لو بتفكري تموتينى".

- واستكمل عابد كلامه لغزل قائلاً: "عايزة تموتى عابد تيمور يابنت نوارة انتي اجبن من انك تموتى عابد الاسم اللي اي حد بيعملة حساب ،لازم موته تليق بعابد مش مقص، لكن فضيحة انى اموت علي ايديكي"، ثم جريت غزل وركبت السيارة وذهبت لبيت والديها.

- يظهر شقيق غزل (مراد) أحمد الرافعى، يخون زوجته ويتحدث مع عشيقته فى الهاتف، وبمجرد ان تدخل عليه يغير طريقة كلامه وهى تكلمه قائلة: "أنا مش مبسوطة، ولو فضلت تعاملنى كدا رد فعلى هيزعلك، ولو بتخوني ليها حساب تانى".

-  تظهر غزل فى بيت والديها وتبدأ لومهم قائلة: "بعتوني عشان تشتروا راحتكو والعيب عليكو انتوا مش عليه، اتجوزت واحد اكبر مني ب20 سنه عشان ارتاح مش عشان فلوسه، ومكنتش هقتله بس المرة الجاية هقتله"، ثم رمت نفسها فى الارض  وأخذت تصرخ.

- يذهب (سيف الخديوي) لينقذ أخوه من الذين خطفوه، قائلاً لهم: "انا عايز مالك اخويا و دلوقتى مش بعد شوية"، ثم يجتمع بأخوه ويذهبان للمنزل.

- يلتقى الخديوي بـ" رفعت الدهبي"خالد سرحان"، ويلوم ويعتب عليه بعد ان كسر الخديوى محل أخوه وقال: "زمان ياخديوي كنت بتناديني بالتعلب، وانا بحط عينيا على نقطة ضعف الفريسة" فرد عليه الخديوي: "الخديوي ملوش ماسكة ولا نقطة ضعف".

- صارح (مالك) أخوه الخديوي بأنه لا يريد التعليم ومنعه الخديوي قائلاً: " انت الناس بتعملك حساب عشان انت اخو الخديوي، لكن أنا لازم امنعك تمشى فى سكتى".

- ذهب زوج أخت غزل (وليد) وقال لها أن يجب أ تطلب الطلاق من عابد، وأثناء كلامهما جاء عابد وقال لها: "جايلك ارجعك مملكتك"، وصالحها وطلب منها فتح صفحة جديدة، وأخذها معه.

- التقى عابد تيمور زوج غزل بطبيب نفسى وطلب منه ان يعرف حالة غزل ويكتب لها مهدئات لكى تتخلى عن فكرة الطلاق منه، وبعدها يرى عابد رسالة من أحد ويذهب لغزل ويسألها بتكلم مين ويبدأ فى ضربها مره أخرى.

- وفى نهاية الحلقة، تتحدث غزل مع سيف الخديوي وتطلب أن تقابله وبالفعل تذهب له وتجمع أمامه مبلغ كبير من المال وتقول له: "عيزاك تقتلى جوزى".

مسلسل "اللي مالوش كبير" يجمع عدد من الفنانين ومنهم: ياسمين عبد العزيز، وخالد الصاوي، وأحمد العوضي، وعايدة رياض، ودينا فؤاد وبدرية طلبة، وإيمان السيد وأخرون، والعمل من تأليف عمرو محمود يس وإخراج مصطفى فكري.

قد يهمك أيضــــــــــــــــًا :

مبارزة كلامية بين ياسمين عبد العزيز و العوضي في "اللي مالوش كبير"

دنيا عبد العزيز مع ياسمين عبد العزيز من كواليس اللي مالوش كبير