حورية فرغلي تبدأ تصوير مسلسلها في لبنان وتؤكد دعمها للمواهب الشابة

أعلنت الفنانة حورية فرغلي عن انطلاق تصوير مسلسلها الجديد الذي تتكتم على إعلان تفاصيله في مدينة بيروت بلبنان، لافتة إلى أنها ستقوم بدعم المواهب التمثيلية الشابة التي تتواصل معها. ونشرت عبر حسابها الرسمي على موقع تبادل الصور والفيديوهات "إنستجرام" فيديو قالت خلاله: "مساء الخير، لأقرب ناس لقلبي جمهوري اللي دايما بيساعدني ويساندني واللي علشانه أنا النهاردة في لبنان بصور مسلسلي اللي وعدتكم بيه".

وتابعت: "مشاركتكم ليا بتفرحني أوي وعلشان أنتم دائما بتدعموني، وبتوقفوا جنبي، وبتشجعوني نفسي أنا كمان يكون ليا ولو دور بسيط فإني أقدر اساعد حد أو اساند حد أو ادعم حد عنده موهبة؛ فا أنا موجودة وشركة mono media لأي حد عنده موهبة وعايز يشاركني بيها، أو عايز الناس تشوفها، أو عايز حد يكتشفه بمعنى أصح على طول ابعتولي وأنا هبقي موجودة وهساند أي حد ويمكن مثلا يمثل معايا فيلم أو مسلسل ده وعد من حورية فرغلي". وكتبت معلقة على الفيديو: "الفنان دائمًا بجمهوره وأنا جمهوري عظيم علشان كدا حبيت أرد جزء من تعبكم معايا وسؤالكم عليا وأنا تعبانة". واختتمت: "أى حد عنده مواهب يركز كويس لأنى قررت اتبنى أفضل المواهب تضامنا مع شركة mono media agency هنساعد أى موهبة إنها تظهر للناس ويمكن تشارك معايا فى عمل فني قريب انتظروا بوست فيه كل التفاصيل".

قد يهمك أيضــــــــــــــــًا :

حورية فرغلي تكشف تبنيها لطفلين من ذوي الاحتياجات الخاصة

نصيحة من حورية فرغلي للمتنافسات على لقب ملكة جمال مصر 2021