نيفين شلبي ناعيةً الميهي "أستاذي في الإخراج"

يمتلك المخرج الراحل رأفت الميهي حبًا لدى جيل كبير من السينمائيين، ممن تتلمذوا على يده في الأكاديمية التي حملت اسمه والتي قام بإنشائها في استديو جلال في وسط القاهرة، نيفين شلبي من هذا الجيل الذي يدين بدخوله مجال السينما للمخرج الراحل.

وتقول نيفين عن أستاذها "الأستاذ والأب رأفت الميهي، أستاذي وأبي، لولاه بعد مشيئة ربنا ماكنتش بقيت مخرجة، لولا تشجيعه لي أدبيا وماديا، لآخر لحظة في عمري لن أنسى أبدا عندما تعسرت في دفع مصاريف الأكاديمية بعد الترم الأول بعد نجاحي بتفوق، فقررت أن انسحب من استكمال الدراسة لعدم قدرتي علي دفع المصاريف الباهظة بالنسبة لي وقتها فقام بتخفيضها لي

٢٥٪، مقدرتش برضو بقى يقسطهالي بالتقسيط المريح، وخلاني اشتغل مونتيرة لطلبة الأكاديمية، واخد فلوس علشان تساعدني وبقى يخليني اشتغل معاه بفلوس رغم انعدام خبرتي وقتها". حسب تعبيرها

وتضيف نيفين أن "أول لاب توب جبته كملي فلوسه وكان فرحان أني أخيرًا هاجيب لاب توب، ومع مرور الوقت اكتشفت أنه مش بيعمل معايا أنا كده بس، لا مع أغلب الناس في الأكاديمية، عمر ما حد دخل عنده يطلب منه حاجة وكسفه أبدًا". حسب قولها