المُتهمة بقتل أطفال ضُرتها في المرج المصرية تكشف تفاصيل مُثيرة عن الجريمة

اعترفت السيدة المُتهمة بالاشتراك والتحريض على قتل 3 أطفال في مدينة المرج المصرية,بجريمتها بعد  التخطيط المستمر لتحريض زوجها وزوجته الثانية، على قتل الأطفال الثلاثة, بعدما أحرقت الغيرة قلبها وأصابها الجنون، تفرغت لتعذيب "ضرتها"  بمساعدة زوجها, كما لجأت إلى إحدى جيرانها لاستعارة هاتف محمول وتسجيل واقعة قتل الطفل محمد على يد والدته.

وقالت المتهمة  هالة, في اعترافاتها للشرطة بأسلوب يظهر عليه الهدوء، "أنا ماليش دعوة, أمهم اللي قتلتهم, وإحنا صورنها,أنا كان عندي ماكينة بسكويت في الشقة وارثاها عن أمي.. وهدومي راحت فين".

جلست المتهمة أمام ضباط الشرطة، تروي حكايتها: "أنا ست كبيرة ووحدانية  وماليش حد, أهلي كل واحد في حاله من 15 سنة تقريبًا كنت لسه صغيرة وكنت عايشه في شقتي التمليك في منطقة الزاوية الحمراء, تعرفت على أحمد جوزي وهو كان عنده 19 سنة، شاب طيب وكان بيسأل عليا، نشأت بينا علاقة حب واتجوزنا.. أهله كانوا رافضين يتجوزني بس حبه ليا وتمسكه خلاني وافقت على الجواز.. بعد مرور 4 سنوات على جوزانا.. كنت بدأت أدخل في سن الخمسين من عمري، وأحمد لسه شاب الناس كانت بتشوفه أنه ابني.. وكتير كنت بضايق من نظرة الناس على إنى أمه.. في سنة 2009 عرفت أنه اتجوز من بنت صغيرة اسمها إيمان.. وعايش معاها فى شقة إيجار بمنطقة المرج.. روحت لها واتخانقت معاها خناقة كبيرة ولقيته مخلف منها بنته ملك, الشيطان والغيرة تملكوني,و سيبت شقتي التمليك، وقررت أعيش معاه في الشقة "مسرح الجريمة".

تضيف المتهمة في اعترافاتها: "كنت بكره مراته إيمان وبدأت أشككه في أطفاله وامتلكت عقله, حتى اتفقت أنا وهو أن نتخلص منها أو يطلقها.. بس جوزي أحمد طيب وقلبه حنين.. كان بيقولي لو طلقتها هتترمي في الشارع ودي سابت أهلها واتجوزتني".

وتستكمل المتهمة: "في رمضان 2016، اتفقت مع جوزي إننا نطردها خارج الشقة ويطلقها, وهو بيضربها.. قولتلها اقتلي بناتك قدامنا, وفوجئت إن إيمان وافقت, وقتلت جنا وملك بإرادتها".

وتضيف زوجة الأب المتهمة "أنا كانت مهمتي جبت جردل مياه بلاستيك   وجوزي قالي هصورها فيديو.. وقتلت البنات وإحنا رماناهم.. وحبسناها في الغرفة وحلقت ليها شعرها.. مش أنا اللي قتلت الأطفال".

وكشفت المتهمة: "بعد ما نزلنا الجثتين (جنا وملك) مضت سنة تقريبًا وإيمان حملت من جوزي تالت مرة، وكان ولد.. واتفقوا على أن يسموه محمد.. بعد ولادته ولقيت اهتمامه بيه.. بدأت رحلتي إننا نقتله وأوهمت جوزي إن الجريمة (جنا وملك) هتتكشف.. فقررنا نقتله.. وأجبرنا أمه على قتله بنفس الطريقة ونزلت على جارتي  في الدور الثاني بالعمارة ..وسألتها على موبايل بحجة تسجيل فيديو عيد ميلاد ملك.. ودي ماتت من سنة ونص، وكان الهدف تسجيل فيديو ثالث لضرتي إيمان وهي بتقتل ابنها الأخير".

و نفت المتهمة قتلها للأطفال واتهمت الزوجة الثانية بقتلهم, وأنها وزوجها أبرياء من قتل الأطفال الثلاثة.

قد يهمك أيضًا :

مصرية تطلب الخُلع لقبول زوجها التحرّش بها في مكان عملها

توقيف ممرضة هوكينغ المتهمة بـ"سوء السلوك" بعد رعايته لـ15 عاما