آية أشرف تكشف أسباب انسحابها من مسابقة ملكة جمال مصر

أعلنت المرشحة لـ مسابقة ملكة جمال مصر، آية أشرف أن انسحابها من المسابقة؛ بسبب اهتمامها بـ"الجمال الظاهري".

وعلقت آية على الأمر عبر صفحتها الشخصية على "فيسبوك" قائلة: "ممكن يكون خبر مجنون بس أنا انسحبت من مسابقة ملكة جمال مصر، اللي كانت أقصى أحلامي لأسباب شخصية منها إني لاقيت إن المسابقة دي ضد مبادئي والنوع ده من المسابقات اللي كان نفسي أدخله جدًا بيهتم بس بالجمال الخارجي وملوش أي علاقة بالجمال الداخلي، مقدرتش أقول لأختي الصغيرة تقبلي نفسك حبي نفسك وانا بعمل وشي وجسمي كله Photoshopped".

وتابعت: "أنا جميلة كدة ومحدش في العالم ده محتاج حد يقيم جماله، وأعلن اعتراضي عن النوع ده من المسابقات الموجع نفسيا، مكنتش هقدر استحمل أسبوع كمان كله غل وحقد وسواد عشان حتة حديدة شكرًا"، وأضافت: "بنت مصر جمالها في روحها مش في شكلها وده شكلي قبل وبعد الفوتوشوب أظن الفرق واضح، ناس بتطلب منك تغيير في شكلك وشخصيتك وتطلب منك تخس ٣٠ كيلو وأنت جسمك صحي، تبقى مصطنع بيتكلموا عن الجمال، مش أي حد يعرف يعني إيه الجمال وده السؤال اللي جاوبت عليه في الإنترفيو ومتمسكة بيه جمالك في روحك واللي بتقدمه للناس".

واختتمت آية أشرف مبررات انسحابها من مسابقة ملكة جمال مصر قائلة: "أي حد خسران في مسابقات كده، متزعلش انت أكبر من الكلام ده بكتير".

ومن جانبها كشفت إدارة المسابقة عبر صفحتها الرسمية على "فيسبوك" بعد إعلان المتسابقة انسحابها بعدة ساعات استبعاد بعض المتسابقات لعدم التزامهن بقوانين المسابقة، حيث كانت فعاليات مسابقة ملكة جمال مصر انطلقت خلال الأسبوع الحالي بمشاركة 24 فتاة في مدينة الاسكندرية.