الإعلامية رضوى الشربيني في أول ظهور بعد وفاة والدتها

في أول ظهور لها بعد وفاة والدتها، أطلت الإعلامية رضوى الشربيني مرتدية الملابس السوداء حزنًا على وفاة والدتها، لافتة إلى أنه برغم الأحزان التي عاشتها على مدار 50 يومًا حتى رحيل والدتها إلا أنها وجدت أمامها رسالة مهمة يجب عليها أن تكملها.

ودخلت رضوى الشربيني خلال برنامج "هي وبس" الذي تقدمه على فضائية cbc، في نوبة بكاء على الهواء، قائلة: "عشت كابوس لمدة 50 يومًا لكن مش هحكي تفاصيله إلا في الوقت المناسب، وكان لازم أطلع تاني على الشاشة علشان أكمل رسالتي وأؤكد أني لسه نفس الست اللي قعدت 5 سنين تقول "إن مع العسر يسرا"، وإن مهما حصل ومهما الواحد مر بحاجات مش كويسة لكن ربنا موجود.. اختبار صعب والحياة اختبارات وامتحان، وكل واحد فينا عنده امتحان بشكل وبيمتحن في مادة شكل وبيمتحن قدر استطاعته، ولا وقتك زي وقتي ولا ورقتي هتنسحب في نفس الوقت اللى ورقتك هتنسحب فيها".

 وأضافت: "أنا نفس الست اللي كانت بتواجه التحدي، وأنا كمان متأكدة أنها هتعدي بالوقت والصبر والدعاء والصلاة هتعدي، وأنا طالعة النهاردة مع أني كان عندي القرار والاختيار أني مطلعش وأنتظر لبعد رمضان ولكن صممت أني أطلع علشان دايمًا أشجع وأتشجع.. وربنا قال "إن مع العسر يسرا" وجزء من يسري الكبير المتابعين لي وكم الدعوات الكثيرة اللي ادعت لأمي وهي عايشة وهي ميتة، لو كنت قعدت وعملت فلوس كتير أو ملكة الدنيا مكنتش هتحصل".

قد يهمك أيضــــــــــــــــًا :

أول تصريح لرضوى الشربيني بعد إصابتها ووالدتها بكورونا

الإعلامية المصرية رضوى الشربيني تتوسل إلى الله لشفاء والدتها