الرئيس السيسي يؤكد أن مصر لن تنهض إلا بالتحمل والتضحية

 شهد الرئيس عبدالفتاح السيسي، الأربعاء، انطلاق الجلسة الثانية من المؤتمر الوطني الخامس للشباب تحت عنوان "رؤية شبابية للدولة المصرية للأربع سنوات القادمة"، وقال السيسي إن هناك فرقًا كبيرًا بين المسار المعرفي وخصوصية التجربة، خصوصية تجربة مصر، كل ما يتم تناوله من إجراءات موجودة وكل الأكاديميين يعرفونها لكن إزاي تعملها مع ظروف بلدك، مضيفًا: فمثلًا قطاع السكة الحديد والمترو، من يومين قمنا بمحاولة للتحرك لإصلاحه، الدارس للموضوع دا يقول المرفق بحاجة إلى تطوير، تنفيذ الإجراءات التي تم دراستها أكاديمياً تتطلب مراعاة ظروف وخصوصية الحالة المصرية، وتراعي بتتعامل مع دولة وناس، ما تتحركش إلا لما تجهز الناس وتقنعهم بأهمية وحتمية الإصلاح.

وتساءل الرئيس: هل عندي رفاهية تأجيل إصلاح للمترو، لا معنديش، هنتعب أكيد، هنحل المسألة بالاشتراكات، وطلبة المدارس وكبار السن وذوي الاحتياجات الخاصة التذكر الخاصة بهم تصل من 12 إلى 15 قرش، بتذكرة المفروض 16 جنيه.

وتابع: ما أقدرش أأجل أكتر من كده، وزير النقل من سنة قالي خط حلوان هيطلع من الخدمة قولتله ليه، قالي محتاجين صيانة بـ30 مليار جنيه، عايز مني 30 مليار جنيه منين لرفع كفاءة الخط، القرض اللي اتعمل به الخط لم يسدد.وأردف الرئيس قائلًا: سألته بتجيب مصاريف المترو المرتبات والصيانة، أي مواصلة قطاع خاص لو مش معاك فلوس مش هيركبك، عايزين البلد تقوم وتبقى ذات شأن لازم نضحي ونتعذب، مضيفًا: كلنا هنشلها مع بعض، لكن هو أنا خبيت عليكوا حاجة، التحدي اللي موجود في مصر أكبر من أي حكومة ورئيس.