القاهره - مصر اليوم
كشف الفنان كريم عبدالعزيز، عن الكثير من التفاصيل حول حياته الشخصية وعلاقته بأولاده.
وقال في لقائه مع بودكاست «بيج تايم»: «الجيل الجديد صعب جدًا التعامل معه، وربنا يكون في عون زوجتي هي شايلة البيت، أنا طول الوقت في التصوير».
وتابع:«عندي ملك 17 سنة وعلي 14 سنة، وملك قافلة عليها الأوضة في البيت، وهي مملكتها فهي بتحس إنها بقت آنسة، والجيل مخه غير وسرعته غير».
وأوضح:«خلافتنا معاها في أننا نشوفها وتاكل معانا، وهي بتقعد تحط الموبايل جنبها قبل الطبق، ده جيل شاشات، وبيقضي وقت مع الشاشة بجنون».
واستطرد:«أنا راجل شرقي ومش رجعي، وبسمح لها ترجع البيت الساعة 11 وبتكون في الكومباوند معانا، والتربية في العصر ده كأنك ماشي على حبل، وتربية الأولاد أصعب، وعلي بيرجع البيت الساعة 11، 12».
كريم عبدالعزيز يكشف تفاصيل إصابته بفيروس كورونا خلال الفترة الماضية
وكان قد كشف الفنان كريم عبدالعزيز تفاصيل اصابته بفيروس كورونا خلال الفترة الماضية.
وقال في لقائه مع الإعلامي عمرو أديب في بودكاست «بيج تايم»:«جتلي كورونا بشكل غريب جدًا لي واحد صديقي مهندس ديكور اسمه محمد عطية، كان عامل حفلة رأس السنة، وكنت موجود فيها ومعي أحمد حلمي وأحمد السقا وعمرو يوسف وحوالي 30 شخص، روحنا البيت الـ29 واحد أصيبوا بكورونا».
وتابع:«وأنا لم أصاب، أنا الوحيد اللي معنديش كورونا وبعدين اكتشفت إني كان عندي كورونا من الأصل وأنا معرفش وعديت الناس دي كلها».
قد يهمك أيضــــاً: