استطاع حسن الرداد بوسامته وموهبته تحقيق نجاح كبير والدخول لعالم الفن بشكل سريع، فقدم بطولة الكثير من الأفلام السينمائية، التي حققت إيرادات كبيرة على شباك التذاكر، ومنها "البس علشان خارجين، زنقة ستات، خيانة مشروعة، جوازة ميري، الآنسة مامي"، إضافة إلى الأعمال الدرامية التي قدمها بشكل مختلف ومنها "آدم وجميلة، اتهام، ابن الأرندلي، حق ميت، كيكا على العالي".

وكشف الفنان حسن الرداد الكثير من أسرار حياته الشخصية والفنية، بعد زواجه من الفنانة إيمي سمير غانم، وذلك خلال لقائه أمس السبت مع أبلة فاهيتا، ببرنامج "الدوبلكس"، المذاع على قناة "cbc"، ونستعرض أبرز هذه التصريحات فيما يلي.

 1- مراتي بتدلعني وبتقوللي يا "زفت"

 كشف الفنان حسن الرداد عن بعض أسرار علاقته الزوجية مع الفنانة إيمي سمير غانم، قائلًا: "مراتي بتدلعني وتقوللي يا زفت، وأكتر حاجة بتعصبها مني اني باكون مشغول بالموبايل وهي قاعدة، بس بتوصفني دايما إني مخلص".

 2- اتعلمت من مراتي الجبروت وعلمتها خفة الدم

وقال الرداد: "اتعلمت من إيمي الجبروت، وعلمتها تبقى دمها خفيف وشقية، باهزر باهزر مراتي زي العسل".

 3- أنا مدام نبيلة عبيد في نفسي أوي

و رفض الرداد الإفصاح عن سنه، قائلًا: "عندي 15 سنة، ومابحبش أقول على سني عشان أنا نبيلة عبيد في نفسي أوي". وتابع: "أنا من دمياط، وأكتر حاجة بتضايقني إنهم بيقولوا إن الدمايطة بخلا، بس الموضوع ده غلط جدا".

 4- أنا أهلاوي وباروح الجيم 5 مرات في الأسبوع

واستكمل: "أنا أهلاوي، بس برضه باحب الزمالك والإسماعيلي، وباروح الجيم 5 مرات في الأسبوع وباعرف أعمل ضغط كويس".

 5- هاعمل شواطئ من غير مايوهات

 وأضاف الرداد: "يبقى فيه حرية بقى ونعمل شاطئ للمحجبات، وواحد للي بيحبوا يلبسوا مايوهات، واللي مش عايز يلبس برضه حقه نعمله شاطئ خاص ليهم".

 6- أنكرت ارتباطي بإيمي لهذا السبب

وعن نفي ارتباطه بإيمي، قال الرداد: "ماكنتش باحب أتكلم عشان الإشاعات، بس أول ما قررنا نتجوز كل الناس عرفت". واستكمل: "أغرب طلب جالي من معجبة، قالتلي عايزة أبوس صوابعك".

 7- إعلان دواء تخسيس وفياغرا

ووقع الفنان حسن في اختبار لتقديم إعلانات ضمن فقرات برنامج "أبلة فاهيتا"، وإقناع الجمهور بالشراء، وقدم "الرداد" إعلانا لـ"قصرية أطفال"، قائلًا: "مع القصرية الشقية.. ليك وليا"، وكذلك منتج شاي "فوفا"، للتخسيس، وإعلان لدواء "فياغرا".

 8- قاعدين عند ماما

وبيَّن الرداد: "إحنا قاعدين عند ماما عشان لسة بنخلص العفش، وهي مستحملانا، وانا باحب أدلعها وأبوس رجلها على طول".

 9- بطلت أتعامل على "فيسبوك"

وقال الرداد: "حصلي مشاكل كتير من "فيسبوك"، وناس بتعمل أكونت باسمي ويطلبوا فلوس، فعملت صفحة رسمية باسمي وفيه ناس مسؤولين عنها".