فيفي عبده

أعربت الفنانة فيفي عبده عن استيائها من انتشار عدد من الصفحات التي تحمل اسمها عبر مواقع التواصل الاجتماعي، مؤكدة عدم علاقتها بهذه الصفحات.

وكتبت عبر صفحتها الرسمية بـ"فيسبوك": "أنا بتأسف جدًا يا جماعة، بس أنا لغيت كل الصفحات والجروبات اللي باسمي على فيسبوك واللي يتابعني ويعرف أخباري من هنا علي صفحتي الرسمية".

وأضافت: "وأنا أساسًا مليش أي علاقة بالجروبات ولا عمري كنت بتابعها واللي عايز، يراسلني هنا على صفحتي الرسمية لأن كل ما هو جديد على صفحتي، وأي صفحة تانية ياريت كله يبلغ عنها لأن كان في جروب اتعمل باسمي أنا مكنش ليا أي علاقة به ولا أي حاجة كانت بتنزل عليه".

وتابعت فيفي عبده :"أنا عمري ما تابعت جروبات، وللأسف أنا اكتشفت ده دلوقتي.. متشكرة جدًا لكل أحبائي والمعجبين وحسبي الله في كل اللي بيفكر في أذيتي بعد مجهود سنين، بحبكم أوي خمسة مواه".

يذكر أن فيفي عبده تستعد لتقديم برنامجها الجديد "لمة العيلة" الذي تعود به لشاشة التليفزيون منذ تقديم برنامجها "5 مواه".