القاهرة ـ مصر اليوم
كشف الفنان القدير الدكتور يحيي الفخراني، سبب رفضه المشاركة بفيلم المصير مع المخرج يوسف شاهين، مشيرا إلى أن يوسف شاهين قلل آجره في العمل.
وقال يحيي الفخراني خلال حواره اعلامي: "أنا كنت هشتغل في فيلم المصير مع يوسف شاهين واللي رشحني خالد يوسف، وطلب يقابلني وقالي الدور دا محدش يعرف يعمله غيري أنا وأنت بعد ما شوفت شغلك".
وواصل الفخراني: "يوسف شاهين إداني السيناريو وقالي اقراه وقول رأيك وكنت مسافر ساعتها وطول السكة كنت بقرأه، ولما وصلت قولتله فيلم كويس بس عايز إعادة حوار لأنه مكنش عاجبني، خصوصا إن أنا اللي هقول الكلام دا وكان فيه حتة خواجة مش عجباني، وخالد يوسف قالي دا حدث عالمي إن يوسف شاهين يوافق على تغيير السيناريو والحوار".
وأضاف يحيى الفخراني: "وفعلا اتفقنا على كل حاجة وعلى القبض، وروحت المكتب وكان لازم أقوله اسمي هيتكتب إزاي على الأفيش، وقالي أنت بطل مطلق واسمك في الأول، بس قالي إننا هنقلل المرتب، والكلمة دي قلقتني جدا وقولتله هفكر، ومشي ورايا لحد الأسانسير وقولتله عندي ظروف، وخالد يوسف لما كلمني قولتله أنا مش هعمل الفيلم".
قد يهمك أيضــــــــــــــــًا :
يحيي الفخراني يكشف اشتياقه للدراما وغيابه عامين سببه مشكلة الكتابة