كشف علي عبد العزيز، المدرس المساعد بكلية التجارة بجامعة الأزهر، حقيقة الوثيقة المنشورة بشأن تمويل بنوك مصرية لسد النهضة .

وقال عبد العزيز في تدوينة عبر حسابه بـ"فيسبوك" : "مفيش حاجة اسمها بنوك مصرية مولت سد النهضة .. كل ما في الأمر إن الوثيقة المنشورة فيها دليل بالبنوك اللي ممكن الإثيوبيين يكتتبوا من خلالها في سندات تمويل سد النهضة اللي طرحتها إثيوبيا خلال الـ 6 سنين اللي فاتوا بعد ما فشلت في الحصول على تمويلات من مؤسسات وبنوك عالمية".

وأضاف: "تمويلات الإثيوبيين من السندات دي بجانب طرق تمويل ودعم شعبية محلية عندهم وصلت في أغسطس/آب اللي فات ل 460 مليون دولار .. دور البنوك المصرية زي أي بنوك في العالم إن الإثيوبيين اللي في مصر يكتتبوا من خلالهم في السندات دي" .

فيما علق الناشط هاني السلاموني قائلًا: "البنك المركزي الأثيوبي ناشر دليل بالبنوك اللي ممكن الإثيوبيين في الخارج يكتتبوا من خلالها في سندات تمويل سد النهضة اللي طرحتها إثيوبيا عام 2013، بعد ما فشلت في الحصول على قروض من المؤسسات الدولية والبنوك العالمية بسبب الخلاف مع مصر .. الإثيوبيين جمعوا من السندات حتى الآن 460 مليون دولار (تكلفة بناء السد حوالي 4 مليار دولار) .. دور البنوك المصرية زي أي بنوك في العالم إن الإثيوبيين اللي في مصر يكتتبوا من خلالها في السندات دي .. يعني لا البنوك المصرية مولت ولا شاركت في بناء سد النهضة بأي دعم مالي".