القاهرة - مصر اليوم
في رسالة مؤثرة لروضة هندي حفيدة الفنانة القديرة الراحلة رجاء الجداوي، عبر حسابها على فيسبوك، نعت جدتها ونشرت صور تجمعهما.
وكتبت روضة "هيوحشني إني ادخل اوضتك فجأة وأقولك (امتحان مفاجئ هاتي السكريبت) واسمعلك ونقعد نضحك لحد لما ندمع هيوحشني إني أدخل عليكي واقولك (ملكيش نفس تتغلبي في دورين كوتشينة يا جوجا) وكالعادة طبعا بتقتعيني هيوحشني إني أكون نايمة وألاقي مامي داخلة عليا تقولي الحقي أنا نزلت Story أو طلعت live أو أي كارثة من الكوارث التانية بتاعتك نجري أنا ومامي على أوضتك وتقوليلنا جملتك الشهيرة ماله التليفون أبو قرص".
وأضافت روضة في رسالتها: "هيوحشني إني أقعد أتفرج عليك وأتعلم منك هيوحشني تريقتك مع صحابي هيوحشني خفة دمك وكرمك وأخلاقك وتسامحك هيوحشني إنك تفهميني وتناقشيني وتساعديني وتديني رأيك كان عندي 43 يوم استعد فيهم بس إمبارح لقيت نفسي بفتح باب أوضتك بقولك يا أنا ووقفت سكت كتير وقلت الله يرحمك يا حبيبتي شكرا على كل حاجة".
توفيت الفنانة رجاء الجداوي عن عمر ناهز 86 سنة بعد صراع 43 يوما مع فيروس كورونا.
قد يهمك أيضا :
آخر وصايا رجاء الجداوي للفريق الطبي في مستشفى العزل
آخر تحليل للفنانة رجاء الجداوى نتيجته إيجابية قبل 5 ساعات من وفاتها