علّق الإعلامي عمرو أديب، على لقاء الرئيس عبد الفتاح السيسي ورئيس الوزراء الإسرائيلي بنيامين نتانياهو، على هامش اجتماع الأمم المتحدة، وقال "أديب" في برنامجه المذاع على قناة "ON E T" : "اجتماع السيسي ونتنياهو مطلعش عنه حاجات كتير بس الاجتماع حصلت فيه حاجة مهمة جدًا .. خدوا بالكم إننا كمصريين قدرنا نعمل نوع من أنواع التوافق في طرف وهو الطرف الفلسطيني لأن إسرائيل دايمًا تقول حماس وفتح عمرهم ما هيتفقوا .. بس احنا أبطلنا الحجة دي .. وقولنالهم الموضوع دة خلص .. هتعمل ايه بقى؟ ".
وأضاف: "نتانياهو لقى نفسه في موقف مش هقدر أقول صعب لأني مش عايز أبالغ لكن موقف يجب أن يتخذ له رد فعل لما قولناله الناس أهو جاهزين واحنا عايزين نخلص القضية .. هتخلص ولا لا؟ .. وكنا نسأله : ايه الحجج؟ .. يقول : كذا؟ .. نقوله : هنحلها .. رئيس المخابرات قاعد ومدير مكتب الرئيس قاعد، والريس كان بينسق معاهم عشان الحجج الإسرائيلية اللي شغالة من سنة 1948 .. مصر تدخل المنطقة بقوة ككفيل وضامن وشريك ".