القاهرة - سارة رفعت
أعربت الفنانة الشابة رنا سماحة، عن سعادتها الغامرة بحفلها الذي أقيم مساء الخميس الماضي على المسرح المكشوف بدار الأوبر .
وقالت رنا سماحة عبر حسابها بموقع "إنستجرام" : "الحمد لله الحفل كامل العدد، وكانت حفلة من أهم وأرقى الحفلات اللي عملتها في حياتي".
ووجهت سماحة الشكر لمحمد عباس قائلة: "في البداية عايزة أشكر صديقي وأخويا الفنان محمد عباس اللي كنت مبسوطه جدًا أننا بنفتتح المهرجان الصيفي لدار الأوبرا مع بعض".
وتابعت: "عايزة أشكر أهلي اللي دايمًا جنبي وسانديني، عايزه أشكر كل أصحابي الفنانين سواء كانوا مطربين أو ممثلين أو شعراء أو مخرجين وحتى من خارج الوسط الفني اللي كانوا حريصين على وجودهم معايا في يوم مهم زي ده".
وأضافت: "شكر خاص جدًا للجمهور الراقي اللي كانوا موجودين وبشكر الألتراس اللي مشرفيني دايمًا والأدمنز اللي بيتعبوا جدا معايا بحبكم اوي وزودتوني فخر بيكم وثقه بنفسي وكمان اللي ماقدروش يجوا واهتموا انهم يتابعوا ويشتغلوا على السوشيال ميديا وطلّعونا ترند بتاج الحفلة".
وتابعت: "وطبعًا بشكر أعضاء فرقتي الموسيقيه الأساتذه اللي أبدعوا امبارح بقيادة أخويا وصديقي أحمد عمرو، وبشكر كل الصحفيين اللي شاركونا سواء كان بوجودهم بالحفل او متابعة الاخبار".
"وفِي النهايه بشكر إدارة المهرجان الصيفي بدار الاوبرا المصريهعلى التنظيم الهائل ده شيء مشرف، وشكرًا على الصور الحلوه جدًا دي".