محمد رمضان يطرح «الحمد لله» بالتعاون مع فرنجلش

طرح الفنان محمد رمضان، أحدث أغانيه بعنوان «الحمد لله»، بالتعاون مع النجم فرنجلش، على موقع الفيديوهات العالمي «يوتيوب» وجميع المنصات الغنائية .

كلمات أغنية «الحمدلله»

وتقول كلمات أغنية «الحمد لله»:

الحمد لله.. يا حبيب الروح دولاراتي داوت قلبي المجروح

الحمد لله.. اه يا بختنا عندنا يختنا نسرح بيه ونروح

الحمد لله.. شوف كنا فين والحظ خدنا انا وانت لفين

الحمد لله.. شوف حجم نجحنا قد الصبر وسهر الليل

الحمد لله.. بقينا نجوم الدنيا الحمد لله

الحمد لله.. ملكنا الأرض في ثانية الحمد لله

الحمد لله.. تعبنا شقينا ووصلنا الحمد لله

الحمد لله.. مفيش ولا موجة هزتنا الحمد لله

وكان محمد رمضان تحدث مؤخرًا عن تفاخره بسياراته وأزيائه الغريبة، خلال لقائه التليفزيوني بـ بودكاست «خارج إطار الشخصية» المذاع عبر موقع «يوتيوب».

وكشف محمد رمضان عن سر جملته الشهيرة "ثقة في الله نجاح"، التي بقولها طوال الوقت في لقاءاته وعبر مواقع التواصل الاجتماعي.

وقال محمد رمضان: "أبويا وأمي ناس بسيطة جدا، بس إدوني اللي أنا أتمنى أدي لأولادي ربعه، القناعة، الإحساس بالغير، أنا عمري ما طلبت من أبويا شيء مش في استطاعته يجيبه ... واتعملت منهم "ثقة في الله نجاح"، كنت لها ليه هيسيبوا كذا وياخدوني كانت تقول لي خليك واثق في ربنا، انت معك أقوى واحد اللي خلق الدنيا وخلقك وبايده كل حاجة، فزرعوا جوايا الكلمة اللي بقت في لساني".

وأجاب محمد رمضان على سؤال رائدة الأعمال دينا غبور، حول أزياؤه الغريبة وتفاخره بسياراته، قائلا: "لبست ملابس غريبة، وقت ما كنت بستهدف الجمهور الإفريقي، والاستايلست بتاعي من 2019 نيجيري، أنا كنت عايز البس زيهم، كنت عايز اشدهم ليا ومايحسوش بغربة، ليه معملتش دا وقت (ابن حلال) مثلا؟ كان معايا فلوس، أنا أعلى أجر من سنة 2016 في الدراما".

وتابع: أكيد طبعا هنهدى، أنا كنت في فترة وخلصت وهبقى شخص عبيط لو هلبسه تاني، البسه لمزاجي مرة بس مش هعيش بيه تاني، أنا كان كل طموحي أثبت نفسي فنيا، ولله العظيم ولا عمري في حياتي فكرت في الفن لأنه هيجيب لي فلوس كتير، ماديا أنا راضي ومبسوط بوضعي جدا، وعندي شغف إني أثبت نفسي فنيا، وأوصل دا للجمهور، وكانت سعادتي لما وصلت للجمهور ووصل لهم حبي واترجم بمتابعة واهتمام بيا".

وعن الثراء، قال محمد رمضان: الفلوس بتجيب سعادة أكتر بكتير، فكرة إن في حد ممكن تلحقه، ممكن المس نجوم السما وإن شخص في موقف صعب أنا اقدر الحقه واسنده، كان عليه دين وهيتسجن، فاديته الفلوس دي فانا في قمة السعادة، الفلوس اسمها مادة، والفلوس دليل نجاح، وأنا مؤمن أن اي شيء مش بيتحول لمادة ماتعملوش.

   قـــد يهمــــــــك أيضــــــاُ : 

محمد رمضان يستخدم الذكاء الاصطناعي بسبب "نمبر وان"

محمد رمضان يعلق على استقبال الرئاسة الفرنسية له في باريس