حكيم يطرح أغنية «سيبونا في حالنا» باليوتيوب

طرح المطرب حكيم أغنية جديدة بعنوان "سيبونا في حالنا" على طريقة الفيديو كليب، وذلك عبر قناته الرسمية بموقع الفيديوهات الشهير اليوتيوب 
 
وتعد أغنية "سيبونا في حالنا" أول أغنيات ألبومه الجديد الذي انتهي من تسجيل أغنياته بالكامل وهي من كلمات "عصام حجاج"، وألحان "تامر حجاج"، وتوزيع "إسلام شيبسي وميدو مزيكا"، ومنتج فني فايز عزيز.
 
ويدور أحداث كليب الأغنية عن الحسد الذي انتشر بصورة غير مسبوقة داخل المجتمع.
كلمات الأغنية
مركزين في حياتنا أكتر مننا، مستكترين علينا نعمة ربنا
عينهم مابتسيبناش .. ولا لسانهم رحمنا
معرفش ليه .. ليه كارهين راحتنا وفرحنا

سيبونا في حالنا .. سيبونا في حالنا،
عينكم جابت أجلنا
الرحمة حلوة .. وكفاية اللي جرالنا

شكرا على حسن المتابعة، وعلى الخداع وعلى الملاوعة
لحد كدا متشكرين
شكرا اوي على الاهتمام .. عنيكم خلصت الكلام
ممكن بقى نفصل يومين
سيبونا في حالنا .. سيبونا في حالنا، 
عينكم جابت أجلنا
الرحمة حلوة .. وكفاية اللي جرالنا

طول ما انت ماشي في دنيتك .. هتلاقي خلق في سكتك
سواد قلوبهم مش طبيعي .. مستخسرين فيك ضحكتك
كتلة أذى متشكلة في هيئة بشر
ناس كارهة غيرها وكارهة حتى نفسها
ناس غاوية نبر وعينها دي تفلق حجر
لو شافوا نعمة علينا بيبان غلها

سيبونا في حالنا .. سيبونا في حالنا
عينكم جابت أجلنا
الرحمة حلوة .. وكفاية اللي جرالنا
شكرا على حسن المتابعة
وعلى الخداع وعلى الملاوعة
لحد كدا متشكرين
شكرا اوي على الاهتمام .. عنيكم خلصت الكلام
ممكن بقى نفصل يومين

قد يهمك أيضًا:

تكريم المطرب حكيم عن أغنية "عم سلامة" في البرازيل

المطرب حكيم يبدع على مسرح مهرجان بروكلين في البروفة الرئيسية