أغنية حياتنا لـ تامر حسني تتصدر التريند الخامسة على يوتيوب

تصدر نجم الجيل تامر حسني تريند يوتيوب، بـ أحدث أغانيه “حياتنا” بعد طرحها بـ 5 أيام فقط، على قناته الرسمية بموقع الفيديوهات يوتيوب.

حققت الأغنية المركز الخامس على يوتيوب، وأكثر من مليون ونصف مشاهدة، والأغنية من كلمات: أحمد حسن راؤول، ألحان: إسلام زكي، توزيع و مكساچ: إلهامي دهيمه - أحمد حسام، ماستر: علي فتح الله.
ويذكر كتب تامر حسني عبر حسابه الرسمي بموقع التواصل الإجتماعي، فيسبوك يوم طرح أغنية حياتنا: جمعه مباركه على الجميع.. بما انكم كل شويه تحطولي صورة عمر و سلمى ٢ بتاعة مشهد فين الساعه و تقولولي فين حياتنا وهتجوزك.

وتابع: تأخير اغنية حياتنا حصل عشان الاغنيه فيها اجزاء شبه احداث الفيلم و اجزاء بتتكلم عن الدنيا و حياتنا بشكل عام عشان كدا استخدمنا اجزاء منها فقط في فيلم بحبك.

وأردف: المهم بقى بما انكم عايزينها كامله روحت المونتاچ و الاستاذ عمرو عاكف مشكور فضى وقته و رجع اشتغل فيها تاني عشان خاطركم هنزلهالكم كامله ان شاء الله النهارده الساعه 4 حياتنا من فيلم بحبك. واختتم كلامه: و قريباً ان شاء الله اغنية هتجوزك كامله.. طلباتكم أوامر يا عسليات.

وتقول كلمات أغنية حياتنا لـ تامر حسني:

في حب يعجزك بدري
حب يموتك جواك
و إيد تتمد تمسكها
تغمي عينيك تقوم خانقاك
في وش يبان ملاك طيب
في ضهرك يتقلب إبليس
في حد بتشتريه غالي
و هو قصاد مرايته رخيص
و هو قصاد مرايته رخيص !

حياتنا عباره عن أشخاص
ما بين غاليين و حبه رخاص
في ناس بتزود الواحد
و ناس عايشه بتاخد و خلاص
ما بين الصح و المفروض
بنتعود على المرفوض
في كام واحد في تعبك غاب
و كام واحد فضل موجود..

في حلم بيختفي و يمشي
و وقت بيتسرق ببلاش
في واحد عاش و مافهمش
و واحد عمره لحظه ما عاش
بنجري في دايره مقفوله
و أهي قلوبنا إتهرت تعليم
و مين ضامن يعيش توهه
و يخرج منها قلبه سليم

حياتنا عباره عن أشخاص
ما بين غاليين و حبه رخاص
في ناس بتزود الواحد
و ناس عايشه بتاخد و خلاص
ما بين الصح و المفروض
بنتعود على المرفوض
في كام واحد في تعبك غاب
و كام واحد فضل موجود ..

في حب يعجزك بدري
حب يموتك جواك
و إيد تتمد تمسكها
تغمي عينيك تقوم خانقاك
في وش يبان ملاك طيب
في ضهرك يتقلب إبليس
في حد بتشتريه غالي
و هو قصاد مرايته رخيص
و هو قصاد مرايته رخيص !

حياتنا عباره عن أشخاص
ما بين غاليين و حبه رخاص
في ناس بتزود الواحد
و ناس عايشه بتاخد و خلاص
ما بين الصح و المفروض
بنتعود على المرفوض
في كام واحد في تعبك غاب
و كام واحد فضل موجود..

قـــد يهمــــــــك أيضــــــاُ : 

أغنية "بُعد مؤقت" لتامر حسني تتخطي الثلاثة ملايين مشاهدة على يوتيوب

تفاصيل وكلمات أغنية تامر حسني "خدنا مناعة" من ألبومه الجدي