صلاح عبدالله يدعم مقاطعة «أوبر»

علق الفنان صلاح عبدالله، على حادثة محاولة سائق «شركة أوبر»خطف فتاة والتعدى عليها جنسيًا بمنطقة مدينة نصر.

صلاح عبدالله يدعم مقاطعة تطبيق «أوبر»

وقال صلاح عبدالله، في تدوينة له عبر صفحته الرسمية على موقع«x»، قائلًا: «بعد ما شفت حكاية عمرو أديب.. بعت رسالة لبناتي ومراتي على جروب العائلي..إلغوا أوبر من حياتكم مهما كانت الظروف».

عبير صبري تهاجم شركة أوبر

وأطلقت عبير صبري عبر صفحتها الشخصية على «فيسبوك» حملة تدعو فيها لإلغاء تطبيق «أوبر» وكتبت: «أنا عايزة نعمل حملة عشان نقاطع أوبر، أرجو إنك تساعديني في نشر البوست بتاعي وطلبي أن البنات في مصر تعمل حملة لإلغاء الأبليكيشن ده لأنه أصبح خطر علينا كلنا وممكن أي بنت وست فينا تتعرض لنفس مصير حبيبة والبنت بتاعت النهارده وغيره».

وأضافت: «ضرورة إحكام الرقابة على السيارات والعاملين في الشركة من خلال تركيب كاميرات مراقبة لمتابعة الرحلات، هي شركة أوبر دي مسؤولية مين؟.. يعني اللي بيشغلهم مين.. الكبير بتاعهم مين؟؟.. هل هما شركة بتشتغل مع نفسها كده بيزنس خاص يعني..وإذا كان كده فين الرقابة عليهم؟ مفيش رقابة عليهم ليه».

عبير صبري تطالب بالرقابة على شركة أوبر

وتابعت عبير صبري: «ليه مفيش كاميرات في العربيات دي زي دبي في أي تاكسي ولا البنات هتفضل كل يوم يخطفوهم ويموتوهم ويتحرشوا بيهم ويعتدوا عليهم ويغتصبوهم ؟.. ازاي مفيش حل مع المجرمين دول لازم السواقين دول يكونوا تحت مسؤولية وزاره الداخلية أقل شيء بعد الجرائم المتكرره دي ارجو أن تتضامن النساء في مصر للمطالبة بغلق هذا الابليكيشن».

قد يهمك أيضــــاً:

ميّ كساب تعتذر لصلاح عبدالله

أحمد حلمي يوجه رسالة لـ صلاح عبدالله