منتج "ع الزيرو" يعاير نيللي كريم بـ"حسن لباقة"

بعد أسابيع من عرض فيلم "ع الزيرو" لمحمد رمضان ونيللي كريم، وعدم حضور الأخيرة العروض الخاصة للفيلم، والتي أثارت جدلاً كبيراً وترددت انباء عن وجود خلافات بين نيللي و"العدل غروب"، خرج المنتج جمال العدل، ليكشف حقيقة الاخبار المتداولة حول استيائها من ظهور محمد رمضان قبلها على أفيش الفيلم، مستخدماً عبارات قاسية المضمون ولطيفة الألفاظ!.

وقال العدل في لقائه مع برنامج ET بالعربي: "هي لم تصرح بشيء ومعلوماتي أنها مسافرة علشان كده ما حضرتش العرض الخاص".

وعن سبب عدم ترويج نيللي كريم للفيلم على صفحاتها بالسوشيال ميديا قال: "شباب في الشركة قالوا لي ولكني ما أخدتش بالي لأن علاقتي بيها كويسة جداً وتصورت أنها ما خدتش بالها فما حطتش في دماغي ومفيش بيني وبينها حاجة ومفيش تواصل، وكنت أحب أنها تروّج للفيلم".

وأضاف معايراً: "لكن هل لو روّجت هيجيب إيرادات أعلى؟ كان فيلمها مع فراج حقق إيرادات!".

وأما عن حقيقة استياء نيللي كريم من ظهورها خلف محمد رمضان في أفيش ع الزيرو قال: "نيللي كريم متصورة ورا محمد فراج على أفيش مسلسل ضد الكسر، وفراج لما طلب يطلع معاها على الأفيش وقتها أنا ما رضتش وقلت له هي أهم بكتير ولكن هي رضيت.. وأنا بتكلم بالمنطق لما تتصور زي شوية شباب صغيرين وفراج قدامها، هتزعل إنها اتصورت ورا محمد رمضان هل راسه أعلى من راسها؟".

وفجّر جمال العدل مفاجاة من العيار الثقيل إذ أكد أن "العدل غروب" لن تتعاون مع نيللي كريم في رمضان القادم، وأن الأعمال التي تعاونوا معاً فيها كافية.

وقال: "اتفقت مع نيللي من قبل رمضان إننا مش هنشتغل رمضان تاني مع بعض بعد مسلسل عملة نادرة، ومفيش مفاجأة لا ليها ولا ليا، وأنا وصلتها لحتة في منتهى الجمال".

قـــد يهمــــــــك أيضــــــاُ : 

تكريم الفنانة نيللي كريم بالمركز الثقافي المصري ـ الأمريكي بنيويورك

نيللي كريم تُغادر عائلة "العدل جروب" عقب تعاون دام عشر سنوات