ياسمين عبدالعزيز تكشف لأول مرة تفاصيل أزمتها

كشفت الفنانة ياسمين عبدالعزيز، لأول مرة تفاصيل أزمتها الصحية، التي مرت بها منذ فترة، وتفاصيل خضوعها لعدة عمليات جراحية كي تصبح حاملًأ.

وقالت ياسمين خلال حلقتها مع إسعاد يونس: «أنا عملت العملية، عشان أشيل الأكياس عشان أحمل، وبعد مسلسل اللي ملوش كبير، اتفقت مع أحمد إني أحمل ويكون عندنا طفل، ولما دخلت العملية حصلت غلطة وربنا كتبلي عمر جديد».

وتابعت ياسمين عبدالعزيز: «وأنا ساعات بنسى بس بفكر نفسي تاني باللي مريت بيه، وأدخل نفسي في المود اللي كنت حساه، وأفتكر شكلي مرة تانية لما كنت تعبانة عشان أرجع أفوق مرة تانية، ودا أكبر موقف صعب مر عليا».

واستكملت: «لأني قعدت 4 شهور في السرير، وسافرت لوحدي وكان معايا بنتي بس، وحسيت إن ربنا عايز يوصلي حاجة بعد ما عملت مسلسل مكسر الدنيا، وشهرة وكل حاجة، بس حسيت إن ربنا عايز يقولي إن هو اللي باقيلي».

وتابعت كاشفةً كواليس أزمتها: «عملت 6 عمليات، في مصر عملت 4، وبرا مصر عملت عمليتين، وكنت بحس إن ربنا عايز يقولي أنتِ مالكيش غيري، وبعد الموقف دا أنا قربت أوي من ربنا، ومبقاش يفرق معايا حد غير إن ربنا ميزعلش منيّ».

قد يهمك أيضــــاً:

فنانون يعودون للسينما بعد غياب أبرزهم ياسمين عبد العزيز وإيمي سمير غانم

إسعاد يونس توجّه رسالة قوية لياسمين عبد العزيز وأحمد العوضي