إلهام شاهين تردّ على أحمد فلوكس عن القُبلات قائلة "مَن لا يحترم المهنة فليتركها"

بعد هجوم الفنان أحمد فلوكس على الفنانة إلهام شاهين بسبب حديثها عن القُبلات في الأفلام، ردّت عليه الأخيرة فقالت في تصريحات صحافية: "أنا ردي إن اللي مش مِحترم المهنة؛ يسيبها، أنا بتكلم على القبلات اللي في الستينيات، اللي أبطالها سعاد حسني، فاتن حمامة، نادية لطفي، وكانت أفلام لكتّاب كبار جداً، زي طه حسين، نجيب محفوظ، يوسف إدريس، وغيرهم".وأضافت: "أفلامي الأخيرة مش هتكلم عنها، ونوعية معينة دلوقتي اللي أقدر أقدّمها، أنا مش بتكلم على حاجة تخصّني، أنا بتكلم على الفن بشكل عام، وفيلم "حظر تجول" فيه تحفظات كتيرة، وخدت 12 جايزة من مهرجان جمعية الفيلم، مينفعش أردّ على أحمد، أنا أكبر من إني أرد على أسلوب لا يليق بأي فنان، الله أعلم ظروفه إيه، بس الأسلوب يبيِّن إن في شيء تاعبُه".

وكان أحمد فلوكس قد هاجم إلهام شاهين عبر حسابه الشخصي في "فيسبوك" قائلاً: "بعيداً عن معزِّتك، ممكن أستأذنك ما تتكلميش تاني في الكلام ده، البوسة بتعتبر حالياً منافية للآداب، أومال إمتى يا فندم نعتبر الشيء منافي للآداب؟، لما نلاقي العيل نازل وبشهاداته كمان؟؛ هنا يبقى سفالة الشاشة دي بتربي أجيال، وبتشكّل وجدان، مش بتربّي وحوش وبتعمل أوضاع، على كده إحنا نعتبر أفلام السكس أفلام تثقيفية تعليمية إرشادية الغرض منها التعليم والتمرين، سامحيني أنا بحبك بس ما بقتش أقدر أستحمل، يا جماعة الشيطان نفسه مش مصدّق اللي إحنا كبشر بنعمله، وبيستغفر ربّنا، الأفلام بقت مرجعية، والنوافل بقيت مهرجانات، والزكاة بقت نقطة، والحج بقى تشكيل، آسف جداً، ومش عايز أسمع كلمة حرية الفن".

   قد يهمك أيضــــــــــــــــًا :

"إلهام شاهين تُغازل حسين فهمي قائلة " أحلى حاجة بستلم الجائزة من أجمل راجل في مصر

حسين فهمي ونادية الجندي وإلهام شاهين وبشرى يَحضرون ختام مهرجان جمعية الفيلم