مُخرج مصري يُفكّر في الانتحار بسبب غادة عبدالرازق

أعلن المخرج والمنتج المصري عادل رضوان، عن تقدّمه بدعوى ضدّ الممثلة المصرية غادة عبدالرازق، متهما إيّاها بالنصب والاحتيال بسبب فيلمهما "رؤية" الذي بدأ بتصويره لتعود وتعتذر عنه.

وكتب رضوان عبر صفحته الخاصة على أحد مواقع التواصل الاجتماعي تفاصيل ما حصل بينهما قائلا: "في ٢٠١٧ دخلت أنتج فيلم اسمه (رؤية) كان بطولة غادة عبدالرازق صورنا جزء منه والهانم خدت بريك سافرت فيه المالديف وكانت طالعة لايف على إنستغرام وجزء من جسمها بان، فقررت إن هي ماتعملش بطولة الفترة دي واعتذرت عن استكمال الفيلم ومارجّعتش الفلوس اللي اتصرفت ولا حتى العربون اللي خدته، الفيلم وقف وخسرت كل فلوسي تحويشة عمري كنت بايع شقتي وعربيتي عشان أدخل الفيلم ده".

وأضاف: "وماعرفتش آخد منها حق ولا باطل وكل الناس اللي حواليا اللي طول عمري بساعدهم خلعوا تماما بل بالعكس كان في منهم اللي بيحاول مايقومنيش تاني مالقتش جنبي غير اتنين تقريبا من جيش عايش حواليا بيعمل مصالح وعلاقات وعارفني للمصلحة فقط، اللي يعرفني كويس عارف إني شخصية قوية وعندي طاقة تحمل كبيرة بس كتر الصدمات ضعفتني وكسرتني ولأول مرة في حياتي أفكر في الانتحار".

وختم بالقول: "بعد سنتين من التردد في الدخول في مشاكل مع غادة اللي كلكم عارفين مشكلتها مع المخرج محمد سامي قررت دلوقت آخد عقدها والماتريال انزل اعمل توكيل للمحامي ونمشي في إجراءات قانونية ولو حصلي حاجة طبعا إنتم عارفين مين اللي هيكون عمل كده ومحدش ينتحر تاني يا ولاد".

قد يهمك أيضًا:

غادة عبد الرازق تؤكد أن مسلسل "حدوتة مُرة" نقلة جديدة في تاريخها

نهلة زكي تكشف عن غيرة غادة عبد الرازق منها