سهير رمزي تكشف سر ارتداء وخلع الحجاب وعلاقتها بالشيخ الشعراوي وعملها قبل التمثيل

كشفت الفنانة سهير رمزي أن حالتها الصحية وسبب ارتداء الحجاب وخلعه ولماذا رفضت ميراثها من والدها بعد وفاته وأقرب فنانة يمكن أن تقدم السيرة الذاتية لها في تصريحات لـ برنامج تفاصيل تقديم الإعلامية نهال طايل على قناة صدى البلد . 

سهير رمزي تكشف تفاصيل حالتها الصحية 
وعن صحتها قالت الفنانة سهير رمزي: أنا بخير الحمد لله ربنا أنعم على بالصحة ولو هطلب من ربنا حاجة أطلب الصحة .

وعن معايير اختيار أعمالها الفنية قالت الفنانة سهير رمزي كل وقت ليه أذان بحب أغير الأدوار محبش تكون الأدوار شبه بعض علشان اخد دور لازم يناسب شخصيتي وعمري وعايزة العمل يكون ليه هدف ورسالة  والفن اختلف عن زمان على مدار الأجيال وكل وقت له أذان .

وتابعت سهير رمزي : المفروض دلوقتي تكون الاعمال الفنية افضل من زمان نظرا لوجود إمكانيات وتقدم كبير في المونتاج لكن اللي موجود دلوقتى رغم التقدم فى الميديا متأخرين في الكتابة والموضوعات عايزين القلم اللى يكتب سيناريوهات وقصص واحنا متأخرين جدا فى الكتابة .

سهير رمزي تكشف عن عملها قبل التمثيل
وعن عملها قبل الفن قالت الفنانة سهير رمزي في تصريحات لـ برنامج تفاصيل: انا كنت مضيفة طيران لأني كنت بحب السفر وبعدها اتجهت للتمثيل لكن والدتي كانت رافضة دخولي التمثيل. 

وعن شخصيتها فى فيلم حتي لا يطير الدخان قالت سهير رمزي : أنا بشوف الورق وبدخل فى الشخصية وكواليس العمل مع الفنان عادل امام دمه خفيف وبيبقي عنده مود حلو ومبيحبش يصور وفى تنشنة.

وتابعت سهير رمزي : بدايتي كانت بداية حلوة عملت أفلام لروايات قوية جدا وكنت بعمل أدوار خفيفة لأني كنت عايزة انتشار فى السوق ولما اسمي اتعرف وبدأ يبيع الأعمال بدأت أغير سكة اختيار الأدوار  والموضوعات. 

كواليس ارتداء سهير رمزي الحجاب 
وعن ارتداء الحجاب قالت سهير رمزي  : ارتديت الحجاب ليس على يد الشيخ الشعراوي لكن جالي إحساس إني لازم أرتدي الحجاب وبعدين أنا شغالة سينما ومسرح وقولت أنا فين من الدين وبعد فترة قابلت الشيخ الشعراوي وخلعت الحجاب لأني السن خلاص ولازم يكون فى حجاب مع ربنا داخلي .

لماذا رفضت سهير رمزي ميراث والدها 
وعن رفضها ميراث والدها قالت سهير رمزي : رفضت ميراث والدي  لان اخواتي اولي بيه أنا مشفتش والدي خالص والدي طلق ماما وبعدها اتولدت وعشت مع زوج والدتي وكنت فاكرة أنه والدي وعرفت بعدها لما كبرت الحقيقة ووالدي تزوج تاني وخلف ولما توفي كنت مستورة ومعايا فلوس .

 وقولت أنا مخدتش من ابويا فلوس وهو عايش هاخد منه وهو ميت طبعا رفضت واخواتي اللى كانوا عايشين معاه اولي بالفلوس لكن كان نفسي أعيش معه وهو عايش .

وأضافت سهير رمزي عن الفنانات الأقرب لها  : بحب مني زكي ومنة شلبي ونيلي كريم ولو حد هيعمل السيرة الذاتية تبقي ياسمين صبري نها شبهي .

   قد يهمك أيضــــــــــــــــًا :

سهير رمزي تثير الجدل حول اعتزالها التمثيل

عفاف شعيب تكشف سبب زعلها من شهيرة وسهير رمزي