أكرم حسني يتقدم ببلاغ ضد حمو بيكا وآخرين

قرر الفنان أكرم حسني اتخاذ كافة الإجراءت القانونية ضد صناع مهرجاني "هلا والله" لمطرب المهرجانات حمو بيكا، و"خد فطيرك" ‏بعد اتهامهم بسرقة لحن أغنية "بالباقي لبان" الأغنية الرسمية لمسلسل "رجالة البيت".‏صرح حسني قائلًا: "الحقيقة دي مش أول مرة اتعرض فيها لسرقة شغلي بس الموضوع وصل لحد ما يتسكتش عليه .. أنا مش ضد اي ‏شكل من الاشكال الفنية طالما بتتقدم في إطار من الاحترام للمهنة وللمجتمع لكن أنا ضد كل اشكال التعدي علي حقوق الملكية الفكرية ‏وسرقة مجهود و تعب ناس قعدت كتير اوي تشتغل".‏

تابع: "عملت أغنية دعائية لمسلسلي الأخير في رمضان اللي فات اسمها، " بالباقي لبان " من كلماتي ولحن بلال سرور وتوزيع ‏كينج .. و اتفاجئت من يومين إن تم سرقة لحن الاغنية و اتعمل عليها مهرجانين واحد اسمه " هلا و الله " و واحد اسمه " خد فطيرك ‏‏" .. و دي مش اول اول مرة ابقي عامل اغاني سواء من الحاني او من الحان زمايلي المحترمين اللي بتعامل معاهم و يتسرق اللحن و ‏يتعمل بيه اغاني و دي " سرقة " صريحة تستوجب اتخاذ اجراءات قانونية".‏

أضاف أكرم حسني: "و عليه بيتم حاليا اتخاذ كافة الاجراءات القانونية اللي تحفظ حقي و حق زملائي الملحنين ضد اللي سرقوا ‏الاغنية لوقف المهزلة دي و بتوجه للنقيب المحترم الفنان / هاني شاكر نقيب المهن الموسيقية بشكوي ضد من تعدوا علي اللحن ‏الاصلي للاغنية و باتمني يكون في قرارات صارمة لعدم تكرار ده".‏يعد مسلسل "رجالة البيت" ثاني تعاون بين أحمد فهمي وأكرم حسني بعد نجاح مسلسلهما "ريح المدام" الذي عرض في سباق ‏شهر ‏رمضان عام 2017، وهو من إنتاج شركة "سينرجي" وإخراج أحمد الجندي، والمسلسل من تأليف أيمن وتار‎

قد يهمك أيضـــــــًا  :

حمو بيكا يتنبأ بموعد انتهاء فيروس "كورونا" من مصر عبر "إنستغرام"

أكرم حسني يتهم حمو بيكا بالسرقة.‎