أحمد فهمي يكشف لأول مرة سبب تردده على طبيب نفسي

كشف المطرب والممثل أحمد فهمي، سبب تردّده على طبيب نفسي منذ العام الماضي، مبديًا استياءه الشديد من التعليقات التي تصله، وتتضمن إساءة إليه وإلى زملائه الفنانين.

حلقة أحمد فهمي في «يحدث في مصر»
وقال أحمد فهمي، خلال لقائه في برنامج «يحدث في مصر» الذي يقدّمه الإعلامي شريف عامر على قناة «mbc مصر»: «فيه ناس ساعات بتبقى عايزة تضايقك من غير سبب، وفيه ناس بتستفزني في المطلق، وبتعلّق بهجوم، ولكني من السنة اللي فاتت بدأت أروح لدكتور نفسي وأتكلّم معاه علشان أسيطر على العصبية، وقالي إن مشكلتي إني بحاول أتبنى أفكاري».

وعن كيفية فصله بين الغناء والتمثيل، أوضح فهمي: «المزيكا لا تفارقني لحظة ومرتبطة طول الوقت بالتمثيل، وأنا ببقى عايز أفصل بين إني مغنّي وممثل، مش عايز المشاهد يشوفني بمثل ويلاقيني بغنّي التتر، علشان كده بفصل ومبغنيش في مسلسلات بمثّل فيها».

مسلسل نقطة سودة
أما عن كواليس مسلسله الجديد «نقطة سودة»، فقال أحمد فهمي: «بدأنا التحضير له في شهر مايو، وبدأنا تصويره في أول سبتمبر، وخلصنا تصوير في فبراير واتعرض آخر السنة، كان مقلق بالنسبة ليا إنه 50 حلقة ولكن إحنا كنا متفقين إنهم يبقوا ثلاثة أجزاء كل جزء 15 حلقة، والورق من البداية وهو لسه حلقتين أو ثلاثة كان بالنسبة ليا حلو إن الناس تشتغل المسلسل الطويل على أنه مسلسل قصير، لأن المسلسلات الطويلة بيبقى فيها حاجات مملة، إحنا اشتغلنا من اللحظة الأولى إن كل حلقة يبقى فيها أحداث والناس تتشد للمسلسل، طبعًا كان مُهلك ولكن الحمد لله».

    قد يهمك أيضــــــــــــــــًا :

أحمد فهمي يكشف تفاصيل لقائه الأول بزوجته

تفاصيل مسلسل «تليجراف» في رمضان 2025