زوجة أحمد عدوية تبكي بسبب هجرة الأصدقاء وتهاجم حلمي بكر

قالت نوسة، زوجة الفنان أحمد عدوية: إنها لم تسامح الملحن حلمي بكر بعد مطالبته بمنع زوجها من الغناء ودعوته بإعلان اعتزاله، مضيفة: "إيه مرتبته علشان يحكم على إنسان ميغنيش ويعتزل؟.. وأنا بكيت أنا ومحمد عدوية ابني وبنتي لما سمعنا الكلام ده".وتابعت خلال لقائها ببرنامج "واحد من الناس" الذي يقدمه الإعلامي عمرو الليثي بقناة "الحياة": "أحمد عدوية إحنا مسمينه الجندي المجاهد، ومن ساعة ما قام من الحادثة الشهيرة بتاعته هو اللى قام وفتح بيتنا أكلنا وشربنا وخرج ولادي من الكليات وعايشهم في المستوي اللى هما اعتادوا عليه.. لغاية اللحظة دي هو اللى فاتح بيتي وفاتح بيت أولادي وهو اللى عامل كل حاجه لأحفاده".

وأكملت: "في موضوع كورونا الناس كلها بتسأل على بعضها، وإحنا مفيش حد سأل على أحمد عدوية من زمايله ونسيوا أن بيت أحمد عدوية كان مفتوحا للفنانين والفنانات ولاعبين الكورة والمشاهير، ولكن الحق يقال أن والد الفنان تامر حسني بيسأل عليه مرتين في الشهر".وانحنت "نوسة" تقديرًا وإجلالًا للفنانة فيفي عبده ووقفتها بجانب زوجها أحمد عدوية، باكية: "أم الرجولة كلها وأم الجدعنة والحنية اللى في الدنيا، ومن غير ما حد يقولها أنا عايز بتسأل لوحدها وتود وتعمل الواجب لوحدها، بتحب أحمد عدوية حب ميتوصفش وبتقولي ده أخويا".وانهارت نوسة زوجة الفنان أحمد عدوية على الهواء قائلة: "للأسف نسيوا أحمد عدوية"، لافتة إلى أن الفنان حكيم تواصل لأول مرة فقط منذ أسبوع مع أحمد عدوية وزاره في منزله.

قد يهمك ايضا

زوجة أحمد عدوية تكشف عن حالته الصحية

زوجة أحمد عدوية تعلن تلقيها تهديدات بالقتل وستقاضي مروجي الشائعات حول الفنان