طارق الشناوي يقاضي مصطفى قمر بتُهمة السبّ والقذف

كشف الناقد الفني طارق الشناوي، خلال لقائه في برنامج "ET بالعربي" أنه بدأ في إجراءات مقاضاة الفنان مصطفى قمر، بسبب هجومه عليه بعد انتقاده لفيلمه "أولاد حريم كريم".

ورأى الشناوي أن ردّ قمر القاسي يُعدّ سباً وقذفاً يؤدي إلى السجن، مؤكداً أنه لن يسكت ولن يتنازل عن حقّه حتى وإن اعتذر له.

وقال الشناوي: "فيه سب وقذف علني واللي هياخد الإجراء ده مش أنا... نقابة الصحافيين لأنها جزء من المنظومة اللي بتحافظ على حرية التعبير، وبجانب الإجراء النقابي هيكون فيه إجراءات قانونية من خلال النقابة أيضاً، وبقول للصحافة بلاش يقولوا "رداً على هجوم"، لأني ما هاجمتش أنا انتقدت فيلم فاتشتمت علشان كده هاخد حقي بالقانون".

وأضاف: "هو بيشتم والتعبيرات دي بتدينه قدام الرأي العام والقانون ومش هتنازل عن حقي حتى لو اعتذر، لأن ده سب وقذف علني يؤدي إلى السجن وهفضل ورا القانون ولازم يُعاقَب على حالة الانفلات اللي هو فيها لأن مهما كان حالة الهزيمة اللي بيعشها لا تبرر له مهاجمتي".

وأردف بالقول: "كل اللي قلته يقع تحت سقف حرية النقد، حتى كلمة "رديء" واحدة من تقييمات الأفلام، وكلمة "المطرب فقد بريقه" بتدخل في إطار النقد، ولما قلت إن الفنانات اللي اشتركن معه مش مطلوبات في السينما ده مش تقليل ده تقييم واقعي مش شايف شيء في اللي قلته غلط. إزاي تحكم إني ما شفتش الفيلم، هل هو معايا 24 ساعة؟ ده من ضمن الأسلحة الفاسدة لأنها أسلحة مردود عليها لأن هردّ عليه وأقول هل تأكد إني ما شفتش الفيلم، ولو قلت رأي إيجابي هيتقال إني شفت الفيلم؟".

ونفى طارق الشناوي أن تكون هناك خلافات سابقة بينه وبين مصطفى قمر مثلما زعم الأخير، مؤكداً: "لم ألتقِ أبداً باللي اسمه مصطفى قمر في مكان، وده ادعاء وسب وقذف لأنه عاوز يوحي إن حصل خلاف بينا وأن انتقادي لفيلمه تصفية حسابات".

  قـــد يهمــــــــك أيضــــــاُ : 

مصطفى قمر يقاضي طارق الشناوي بعد الهجوم عليه

مصطفى قمر يسخر من الناقد طارق الشناوي